Ҳозирда клублар ўз академиясига футболчиларни жуда эрта қабул қилишига барчамиз кўникиб қолганмиз. Футболчи бўлишни истаган болакайлар ушбу спорт тури билан жиддий шуғулланишлари талаб этилади. Ана шундагина улар футболнинг сир-асрорларини тўлиқ ўрганишлари мумкин. Шундай бўлсада, катта футболга жуда кеч кириб келган кучли футболчилар ҳам йўқ эмас. Бугун ана шундай футболчилар ҳақида сўз боради.
Питер Шмейҳел
2 бор дунёнинг энг кучли поспони, Европа чемпиони, ЕЧЛ ғолиби саналадиган қаҳрамонимиз катта футболга 22 ёшида кириб келганига ишониш қийин.
ҚизиғИ шундаки, Питер аввалига ҳужумчи сифатида ўз фаолиятини бошлайди ва илк мавсуми сўнгида ўз позициясини 180 градусга ўзгартириб юборади. Болалигидан қўлтўпи билан жиддий шуғуланган даниялик поспон футболчи бўлишни ўйлаб ҳам кўрмаган бўлса, ажаб эмас. 18 ёшида савдо мененджери ёрдамчиси сифати фаолиятини бошлаган қаҳрамонимизнинг 22 ёшида ишдан бўшатилади. Бўш қолган Каспер ўзини 3-двизион вакили «Xvidoorve» клубида синаб кўришга қарор қилади. Кейинчалик уни «Brondby» клуби скаутлари пайқаб қолишади. Қаҳрамонимиз ўз ўйинлари билан «Манчестер Юнайтед» клуби эътиборига тушади ва унинг ҳаётидаги ғалабали онлар бошланади.
Ян Коллер
Ўзининг баланд бўйи билан барчанинг ёдида қолган чехиялик ҳужучи ҳам ўз футболчилик фаолиятини жуда кеч бошлаган. 19 ёшида Чехия чемпионатининг қуйи лигасидаги клублардан бирида кўрикдан ўта олмаган қаҳрамонимиз харбий хизматни ўташга қарор қилади. Футболдан совуган ва ўз кучига бўлган энг сўнгги ишончни йўқотган йигитча 21 ёшида яна бир бор ўзини футболда синаб кўрмоқчи бўлади ва Чехиядаги ҳаваскор клублардан бирида ўз фаолиятини бошлайди. Майдонда қолганларда яққол ажралиб турувчи ҳужумчининг ўйинларини кузатиб юрган чехиялик машхур скаут Людомир Павик униКоллер Чехиядаги энг номдор клублардан бири саналадиган «Спарта» клубига тавсия этади. Кейинчалик унинг фаолияти Европанинг бир нечта кучли клубларида давом этганидан хабарингиз бор.
Мирослав Клозе
Жаҳон чемпионатларида тарихида энг кўп гол киритган футболчининг бу рўйхатда борлигига ишониш қийин бўлсада, бу факт. Футболчининг оиласи Германияга кўчиб келганида Клозе 8 ёшда эди. Ота-онаси Клозенинг ўқиб таълим олишини истар, Мирослав ҳам мактабни аъло баҳоларга битиради ва Берлиндаги ўқув юртларидан бирига ўқишга киради. Клозе 20 ёшида Германиянинг 7-двизионидаги ярим профессионал жамоа билан шартнома тузади. Клозе учун футбол бу шунчаки хобби эди. Кейинчалик унинг ўйинини кўрган мураббийлар ўз жамоаларига таклиф эта бошлашади. Тезкор ва голни олдидан сезиш қобилияти туфайли Клозе жуда тез машхур бўлиб кетади. Унин ўйинларини қолдирмай томоша қиладиган отасинин маслаҳатига биноан ўқишни ташлайди профессионал тарзда машғулотларни бошлайди. Кейинчалик «Вердер» томонидан харид қилинган футболчи Германия терма жамоасидан чақирув олади ва 2006-йилда Германияда бўлиб ўтган ЖЧда порлайди. Тўғри, немислар уйда ўтган чемпионатда ғолиб чиқишни уддалай олмайди, бироқ Клозени бутун дунё тан олади.
Дидие Дрогба
Дрогба Францияга ишлагани келганида 16 ёшда эди. У тинимсиз меҳнат қилар, ўз кунини ўзи кўришга чиранар эди. 18 ёшида Лемар шахрига ўқишга ўқишга кирган футболчи профессионал клубда фаолият олиб боришни бошлайди. Қаҳрамонимиз ўқиш билан биргаликда футболни ҳам ташлаб қўймаган бўлсада, фақат 20 ёшдагина ушбу спорт тури билан жиддий шуғуллана бошлайди. Кейинчалик, «Марсел» скаутлари томонидан илиб кетилган футболчи Франция чемпионатидаги ўйинлари билан тезда машхур бўлиб кетади. Жисмонан бақувват ва тезкор ҳужумчи учун курашга киришган «Челси» Жозе Моуринонинг олтин даврида уни харид қилади. Ўз миллий терма жамоасини ЖЧга олиб чиққан ва юртидаги фуқоролар урушига барҳам берган футбол афсонаси барчасини 21 ёшда бошлаганига ишониш қийин. Дрогба кеч бошлаган бўлсада, барчасига улгурди. Унинг совринлари орасида АПЛ ғолиблиги ва ЕЧЛ чемпионлиги ҳам мавжуд эканлиги унинг маҳоратидан далолат.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Динамо
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
