Футбол оламидаги сўнгги йилларда бир нечта 100 миллиондан ортиқ нархга сотиб бахоланган футболчилар пайдо бўлгани ҳеч кимга сир эмас. Уларнинг барчаси ҳам трансфер қийматини оқлай олдими? Уларнинг карийераси қандай кўриниш олмоқда? Бугун ушбу мавзуга қисқача тўхталиб ўтамиз. 1-қисм.
Гарет Бейл 100 миллион евро
Уэлслик футболчи ушбу спорт тарихида 100 миллион евродан ортиқроққа сотилган илк футболчи сифатида тарихда қолиши аниқ. «Тоттенҳем» клубидан ҳарид қилинган Бейл "Реал Мадрид" қўлга киритган барча совринлар учун ўзининг энг кучга тўлган йилларини бағишлади десак, адашмаган бўламиз. Гарет «қироллик клуби» сафида 4 бор ЕЧЛда ғолиб чиқибгина қолмай, ички чемпионат ва кубог ўйинларда бир неча бор чемпионликни қўлга киритишга муваффақ бўлди. Футболчи ўзига тўланган пулларни оқлади ёки оқламади дейиш жуда мушкул. Футболчи Мадридда жуда кўп жароҳат олгани боис, бир нечта ўта муҳим учрашувларни ўтказиб юборгани етмаганидек, испан тилида сўзлашмагани боис, мухлисар ёқимтойига ҳам айлана олмади. Шунга қарамай унинг ҳисобида клуб афсоналаридан бири Роналдодан кўра кўпроқ гол мавжуд. Мавсум бошидаги тушумовчиликларга қарамасдан, футболчи ўзини қўлга олди ва ҳозир Мадрид клубининг етакчиларидан бирига айланиб бормоқда.
Пол Погба 105 миллион евро
Франциялик йигитнинг ортга қайтиши «Манчестер Юнайтед» мухлисларига жуда катта умид бағишлаган бўлсада, улар кутган натижани тақдим эта олмади. Тўғри, шу кунга қадар бирорта «қизил иблис» ундан кўпроқ ҳужумда фаолроқ кўринмаяпти, лекин мухлисларнинг аксарияти аллақачон Погбани ёмон кўриб қолди. Айниқса Жозе қўл остида фуболчи тамомила футбол ўйнашдан зерикиб қолди ва ўз спорт формасини тўлиқ бой берди. Кейинчалик жамоа постига келган Сулшер Погбага иккинчи имкониятни тақдим этди. Аввалига Пол қушдек учиб кетди, голлар кетидан узатмалар пайдо бўла бошлади, бироқ мавсум сўнггида клуб яна кучли 4 жамоадан бири бўлишни уддалай олгани йўқ. Мутахассисларнинг фикрича футболчининг «Реал Мадрид»га ўтишни истагани унинг ўйинига жиддий таъсир ўтказган, ва Пол эндиликда Манчестер шахрида аввалги даражасида тўп сура олмайди.
Ҳозирда қаҳрамонимизнинг майдонда фойдали ҳаракатлари аввалгидан анча камайганини сезиш қийин эмас. Катта эҳтимол билан Пол кейинг мавсумда Мадрид клуби сафига ўтади. Шундай экан, унда 105 миллион еврони оқлаш учун яна бир мавсум қолди холос.
Неймар 222-миллион евро
Бразилиялик футболчининг ПСЖ клубига ўтиши бутун футбол оламини остун-устун қили юборди. Бутун дунё унинг трансферини муҳокама қила бошлади. Унинг учун «Барселона»га тўланган пуллар ҳавога учдими ёки ПСЖ ўз тарихидаги энг зўр келишувга эришдими ҳеч ким билмас, барча воқеалар ривожини катта қизиқиш билан кута бошлади. Унинг ПСЖга ўтиши кўҳна қитъа клублари учун ЕЧЛ учун янги даъвогар пайдо бўлганини билдириши керак эди, аммо ҳаммаси ўзгариб кетди. Тўғри, Неймарнинг келгач, ПСЖ 2 бор ички чемпионатда ғолиб чиқди, бироқ клуб у сиз ҳам бу ишни уддалаган бўлар эди. Шундай бўлсада, Неймар киритилган голлар ва узатмалар борасида чинакам рекордларни қайд этди. Афсуски, ПСЖ учун энг муҳим мусобақа ЕЧЛда футболчи икки мавсумдан бери қишда ортириб олган жароҳати туфайли ҳал қилувчи баҳсларда иштирок этмаяпти ва клуб ўз юришини эрта тугатишга мажбур бўлмоқда. Минг афсуски, Неймар яқиндагина ёпилган трансфер ойнаси чоғида парижлик мухлислар олдида ортирилган барча обрўсини бир пул қилиб юборди. Дарҳақиқат, футболчи деярли бир ойдан ортиқ вақт мобайнида ушбу клуб ҳақида нималар демади дейсиз?! Агарда Неймар учун ПСЖ 100 миллион евро тўлаганида бу трансфер ўзини оқлади десак, бўлар эди. 222 миллион еврони оқлаш учун ҳеч бўлмса Неймар ЕЧЛда бир бор ғалаба қозониши шарт. Унгача бу трансфер ўзини оқлади дейишга ҳаққимиз йўқ.
Усман Дембеле 105 миллион евро (Бонуслардан ташқари)
Икки оёқда ҳам бирдек ўйнай оладиган, фантастик тезлик эгаси, ёш ва иқтидорли футболчи деб таъриф берилган Усман учун «Барселона» ўз тарихида илк бор 105 миллион евро тўлашга қарор қилди. Дембеле клубдан кетган Неймарнинг ўрнини эгаллаши кўзда тутилган бўлсада, у бу ишни амалга ошира олмади. Ўзининг католониядаги илк мавсумида деярли ҳеч нарса кўрсата олмаган футболчи «бошсиз чавандоз» лақабини ортириб олди холос. Тезкор, кучли зарбага эга футболчи майдонда ҳеч нарса ўйлаб топишни уддасидан чиқа олмай қолди. Бундан ташқари, унинг ўз ишига маъсулиятсиз ёндошгани боис, бир неча бор жаримга тортишган бўлсада, болкай улғайишдан бош тортаверди. Ўзининг инжиқликлари сабабли, Дембеле тезда мухлислар ва жамоадошлари олдидаги мавқейини йўқотиб қўйди. Ҳозирда Дембеле клуб тарихидаги энг омадсиз ҳаридлардан бирига айланишга жуда яқин турибди. Шунга қарамай барчасини тиклаш учун унда имконият мавжуд. Унинг трансфери ўзини ҳозирча оқламган бўлсада, Дембелда қолганлардан фарқли ўлароқ бироз вақт мавжуд.
Матнда хатолик топсангиз, ўша хатони белгилаб, бизга жўнатинг (Ctrl + Enter).
.jpg)
Жалолиддин Қобилжонов
Холис таҳлилчи блоги
Фурқат Қурбонов
Ҳасанали ота
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
