Россиянинг «Зенит» клуби ҳужумчиси Себастьян Дриусси жамоа Чемпионлар Лигаси гуруҳида чиқиш асосий вазифа эканлигини айтиб ўтди.
— Ечропа Чемпионлари Лигасида ўйнаш сизнинг орзуингиз эканлигини ҳақида айтгандингиз. Умидлар амалга ошдими?
— Ҳа, албатта!Олдимизда яна учта муҳим учрашув турибди, унинг иккитасини ўз майдонимизда ўйнаймиз. Олдимизда имкон қадар кўпроқ очко жамғариб, гуруҳдан чиқиш вазифаси турибди. Бу ишни амалга ошириб бор кучимизни ишга соламиз.
— Ушбу турнирдаги учрашув РПЛнинг энг кучли жамоасига қарши ўйиндан қандай фарқ қилади?
— Тезлиги билан. Европа футболида тезлик умуман бошқа. У ерда тезкор футболчилар кўп. Яхшиямки турнирни биз яхши бошладик ва шундай ҳаракат қилишда давом этяпмиз.
— «Зенит» гуруҳдаги барча рақиблари билан ўйнашга улгурди. Уларнинг қайси бири кўпроқ ёқди?
— «РБ Лейпциг». Улар таркибида майдон марказида тўп билан ажойиб муомила қиладиган футболчилар жамланган. Германия клублари нима қилиш кераклигини жуда яхши билишади. Улар иккинчи бўлимда бизга етарлича қаршилик кўрсатишди ва юзага келган вазиятларидан унумли фойдаланишди.
— Турнир бошланишидан аввал гуруҳдаги жамоаларнинг кучи тенг дейиш мумкинмиди?
— Ҳа, шубҳасиз. Гуруҳдаги тўртта жамоа ҳам майдонда деярли бир хил кучга эга. Шу билан бирга барча клубларнинг кучли ва кучсиз жиҳатлари бор.
Дриусси жорий мавсумда 15 та учрашувда майдонга тушиб, 1 та гол киритишга муваффақ бўлди.
Матнда хатолик топсангиз, ўша хатони белгилаб, бизга жўнатинг (Ctrl + Enter).