Бугунги ўйиндан сўнг, барчада турли фикр пайдо бўлди. Кимдир терма жамоамизни уқувсизликда айблаган бўлса, кимдир Абрамовнинг Эронга бой берган ўйинини ёдга олишни бошлади. Дарҳақиқат, бу услубдаги мағлубият Карленичнинг фаоилятидаги 3-сига айланди. Майли, бу ҳозир муҳим эмас. Бугун ўйин атрофида ва ундаги воқеялар ҳақида «дардлашамиз».
Яратганнинг ҳоҳиши ва айбдор излаш касаллиги
Бизда қизиқ одат бор. Агар терма жамоамиз мағлубиятга учраса, дарров айбдор излаш «маросими» бошланиб кетади. Тўғри, айрим мағлубиятларда биз томондан ҳам хатолар бўлади бироқ, бу сафарги мағлубият бундан мустасно. Нега дейсизми? Бугунги терма жамоамиз балиқчи образида намоён бўлди. Биз яхши ўйин кўрсатдик, кучли ва шакилланган жамоага қарши ўз услубимизда ҳаракат қилдик, голлар киритдик, вазиятлар яратдик, бироқ бугун омад биздан буткул юз ўгирди ва овимиз бароридан келмади.
Нега бугунги мағлубиятнинг алами кўплаб ижобий ютуқларимизни эътибордан четда қолишига мажбур қилиши керак? Ўзингиз ўйлаб кўринг. Бугун терма жамоамиз йигитлари анчадан бери мухлислар соғинган ҳужумкор ва томошабоп футбол кўрсатишгани, қанотлар ва марказ бирдек ишлагани, тезкор қарши ҳужумлар, тўп назорати сингари жабҳалардаги ютуқларимиз кўзга ташланмаяпти?
Бугун йигитлар деярли 40 минг мухлис олдида бошларини эгганча, бироқ бор кучларини майдонга ташлаб чиқиб кетишганини барча кўрди. Бу мағлубият гуруҳдаги вазиятни оғирлаштирган бўлсада, футболимиздаги жиддий қадам эканлигини унутмаслик лозим. Мағлубият Абрамов ва унинг шогирдлари учун жуда муҳим дарс бўлишига ишончим комил. Йўқотилган 3 очкодан фожеа ясашнинг хожати йўқ. Олдинда вазиятни ўнглаш учун ўйинлар етарли.
Бироз сабрли бўлайлик
Ушбу мавсум стартида “Челси” жуда чиройли ўйин намойиш этган бўлсада, жуда кўп очко йўқотгани ҳеч кимнинг ёдидан кўтарилмаган бўлса, ажаб эмас. Аристократлар устози Лемпард аввал чиройли ва ҳужумкор ўйинни шакиллантиришга урғу берди. Натижа эса, мана энди кўзга ташланмоқда. Бироз ғалати ўхшатишдек туюлсада, вазият жуда ўхшаш. Нима бўлган тақдирда ҳам Абрамов ва йигитларни бугунги ўйиндаги мағлубияти учун ношудга чиқариб қўйиш нотўғри.
Агарда жамоа ўсишда ва шакилланишда давом этса, Жидда шахрида бўлиб ўтадиган учрашувда реванш олишимизга шахсан мен ишонаман. Бугун тақдирнинг иккита зарбасидан сўнг, ўрнимиздан тура олмасак, ҳал қилувчи босқичга чиқиб нима қиламиз? Балки, ушбу босқичда доим осонлик билан ўтиб келганимизга ўрганиб қолгандирсиз, лекин шуни унутмангки, ЖЧ учун кураш бугундан бошланди. Бундан аввалги саралаш ўйинларидан фарқли ўлароқ бу сафар курашга эрта кирябмиз. Умид қиламанки, ҳал қилувчи ўйинларга қадар етарлича зарбаларни қабул қилиб олган термамиз муҳим ўйинлар учун имунитет ҳосил қилишга муваффақ бўлади. Таслим бўлишга эрта.
Я . У
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
