Куни кеча Қирғизистон Республикаси делегацияси «Бунёдкор» футбол клубига ташриф буюрди.
Делегацияга Қирғизистон Республикаси футбол федерацияси вице-президенти Достонбек Қўноқбоев раҳбарлик қилди. Қирғизистон делегациясининг «Бунёдкор»га ташрифидан асосий мақсад, академия фаолиятини ўрганиш, стадионни кўздан кечириш ва умумий маънода клубнинг ички структураси билан танишиш эди. Боиси, яқин йилларда Бишкекда ҳам «Бунёдкор»га ўхшаш замонавий стадион ва Миллий футбол академияси қурилиши режалаштирилган. Шунинг учун «Бунёдкор»га ташриф буюрган делегация таркибидан Бишкек шаҳри ҳокими ўринбосари, архитектура бошқармаси раҳбари каби юқори лавозимдаги шахслар ҳам жой олди.
Меҳмонлар ташрифни «Бунёдкор» футбол академиясидан бошлашди. Қирғизистон делегациясини академияда «Бунёдкор» футбол клуби Бош директори вазифасини бажарувчи Улуғбек Мирзаев, академия директори Вадим Шодиматов ва жамоанинг бошқа расмий шахслари кутиб олди. Меҳмонлар академиямиздаги ўқув хоналари, қишги машғулот ҳамда тренажёр зали, тиббиёт бўлими ва ошхонаси билан яқиндан танишишди. Академия ходимлари қирғизистонлик меҳмонларга ҳар бир бўлимнинг иш тартиби бўйича тўлиқ маълумот берди. Хусусан, меҳмонлар тарбияланувчиларимизнинг қайси йўналишлар бўйича билим олишидан тортиб, қандай таомлар танаввул қилиш-ю, қачон машғулотлар ўтказиши ҳамда тиббий ҳолатининг назорати бўйича ҳам ўзларига керакли маълумотларни олишди.
Шундан сўнг Қирғизистон делегацияси «Бунёдкор» стадионига ташриф буюрди. Бу ерда меҳмонларни стадион директори Воҳид Зокиров ва бошқа ходимлар кутиб олди. Меҳмонлар стадионнинг ечиниш хоналари, мартабали инсонлар учун ажратилган хоналар, ресторан, музей ва албатта майдоннинг ўзини кўздан кечиришди. Табиийки, стадион, ундаги шароитлар, мухлислар учун яратилган қулайликлар бўйича тўлиқ маълумотлар берилди.
Қирғизистон делегацияси таркиби
1. Қўноқбоев Достонбек Турсуналиевич – Қирғизистон футбол федерацияси вице-президенти
2. Абиров Жонибек Болотбекович - Бишкек шаҳри кенгаши спикери
2. Жакишов Руслан Шерғозиевич - Бишкек шаҳри кенгаши вице-спикери
3. Қодиралиев Асилбек Мэлсович - Ота-Юрт Республика фракцияси етакчиси
4. Аматов Рисбой Аматович - Онугуу-Прогресс фракцияси етакчиси
5. Докенов Эрнис Шарапидинович - Бишкек шаҳри кенгаши депутати
6. Бакетаев Алмаз Кушбекович - Бишкек шаҳри биринчи вице-мэри
7. Алимкулов Азиз Эсенбекович - Бишкек шаҳри вице-мэри
8. Усубалиев Болот Абдилдабекович – Бишкек бош архитектура бошқармаси бошлиғи ўринбосари
10. Рустам Жанибаев – Қирғизистон футбол ассоциацияси раиси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
