Жамоанинг қанчалар аҳил бўлиши сардорларга боғлиқ эканлиги ҳеч кимга сир эмас. Дарҳақиқат, сардорлар ички муҳитга таъсир ўтказибгина қолмай, майдонда ҳам фаоллик кўрсатишлари зарур. Бир қарашда ортиқча маъсулиятдек туюлгани билан, мухлислар меҳри барчасини ювиб кетади. Айнан сардорлар жамоа ва мухлислар ўртасидаги кўприк бўлиши лозим. Афсуски, барча сардорлар ҳам бу ишни уддасидан чиқавермайди. Бугун 21-асрдаги энг ёмон жамоа сардорлари билан танишиб ўтамиз.
Леонардо Бонуччи
2017/18-йилги мавсум стартида «Милан» раҳбарлари клубнинг шонли ўтмишини ортга қайтаришни режа қилишган ва трансферлар учун каттагина маблағ сарф этишган эди. Айнан ўша трансфер компаниясидаги энг машхур футболчилардан бири Леонардо Бонуччига эса, сардорлик боғичи биринчи кундан топширилади. Афсуски, ҳимоячи ўзига билдирилган ишончни оқлай олмади. «Милан» мавсумни жуда ёмон ўтказди. Янги сардор эса, буюмларини йиғди ва ортга «Ювентус» сафига қайтиб кетди. Турин супер клуби мухлислари уни кечириб юборишди, лекин «Милан» тифозилари эмас. Бонуччининг ижтимоий тармоқдаги саҳифалари ҳар куни янгидан янги ҳақоратлар билан тўлиб-тошишдан тўхтамаяпти.
Карлос Тевез
2010-йилда «шахарликлар» сафига азалий рақиб – «Манчестер Юнайтед»дан келиб қўшилган ҳужумчи кўп ўтмай клуб сардорига айлнади. Тўғри, Тевез ўзининг илк мавсумида ажойиб ўйин кўрсатган, бироқ иккинчи мавсумга келиб унинг характери намоён бўла бошлади. Аввалига Манчини билан очиқчасига жанжаллашиб кетган ҳужумчи «Бавария» билан ўйинда заҳирадан майдонга тушишдан бош тортади ва клуб мухлисларининг нафратига дучор бўлади. Унга ва унинг оиласига бўлган босим шу қадар ортиб кетадики, Карлитоснинг бир мунча Аргентинада исқтиқомат қилишдан бошқа чораси қолмайди. Унинг хурмача қилиқларидан сўнг, клуб Компанийни сардор этиб тайинлайди.
Луиш Фигу
Сўнгги 20 йил ичида футболдаги энг катта сотқинликни амалга оширган Луиш Фигу ҳақида тўхталиб ўтишимиз шарт. Ўзининг трансфери эълон қилинишидан бир кун аввал «Барселона» мухлисларига ҳеч қаерга кетмаслигини таъкидлаган католония клуби сардори эртаси куни журналларнинг биринчи саҳифасида пайдо бўлади. «Камп Ноу» ўз сардорининг қилган ишидан шок холатига тушиб қолгаб, буни ҳазм қилишга эса бироз вақт талаб этилар эди. Кейинчалик Фигу вазиятни ўнгалаш учун баҳоналар ўйлаб топишга роса ҳаракат қилди, лекин ғиш қолипидан кўчиб бўлган эди.
Мауро Икарди
Бундан бир неча йил аввал бутун бошли «Интер»нинг келажаги деб таҳмин қилинган йигитчага клуб раҳбарлари сардорлик боғичини топширишади вас ҳу йўсинда унга бўлган ҳурматларини изҳор қилишади. Мауро бир нечта ажойиб мавсумларни ўтказади ва бир қарашда ҳаммасини эплаётгандек эди, бироқ…
Унинг турмуш ўртоғИ Ванда Нара Мауро ва мухлислар ўртасига совуқчилик солиб қўяди. Икардининг агентига айланган Ванда мижозининг маоши ошишини талаб қилади ва янги шартнома тузишдан бош тортади. Узоқ давом этган музокалар ҳа деганда олдинга силжимайди. Бу орада ўзининг ҳаёти ҳақида китобни сотувга чиқарган Икарди мухлислар босими остида қолиб кетад. Тифозиларнинг фикрича, ушбу китоб ёлғонларга тўлиб кетган эмиш. Катта босимга дош беришни уддалай олмаган Икарди уй учрашувларидан бирида мухлислардан бири билан очиқчасига муштлашиб кетади. Ушбу видео интернет тармоғида яшин тезлигида тарқалиб кетади. Кўп ўтмай клуб раҳбарларига шарт билан чиққан мухлислар ўз мақсадига етишади ва Икардидан сардорлик боғичи тортиб олинади.
Ҳозирда унинг Парижда ишлари чакки эмас, лекин ўз фаолияти давомида унга яна сардорлик боғичи ишониб топширилармикан? Бунисини энди вақт кўрсатади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
