Дарҳақиқат, футбол оламида футболчи ёки дарвозабонларнинг жароҳати олиши табиий хол, лекин мураббийлар бундан мустасно. Бугун ана шундай ишни “уддасидан чиққан” мураббийлар ҳақида сўз боради.
Рей Клеменс
“Ливерпуль” жамоаси ва Англия футболининг тирик афсонаси Рей Клеменс ким эканлигини Ёши катта мухлислар билишади. “Ливерпул” билан 70-йилларда 5 бор АПЛ ва 3 бор Чемпионлар лигасида ғолиб чиққан дарвозабон бир муддат Англия терма жамоасида дарвозабонлар мураббийи сифатида фаолият олиб боради. 2012-йилда бўлиб ўтган Европа чемпионатида Франсияга қарши учрашув олдидан машғулот ўтказган қаҳрамонимиз йўқ ердан жиддий жароҳат ортириб олади ва уни шериклари қўлтиқлаб майдондан олиб чиқиб кетишади. Эртаси куни унинг оёқлари муваффақиятли оператсия қилинади.
Ралф Рангек
Айни дамда “Ред Булл Леипцек»жамоаси Германиянинг кўзга кўринган клубларидан бири, лекин бундан 7 йил аввалроқ клуб 4-двизионда тўп сурувчи жамоа эди. 2016-йилда илк бор Бундеслигага чиқишни уддалаган клубнинг футболчи ва мураббийлар штабининг хурсандчилигининг чеки йўқ эди. Сўнгги турда йўлланмани ижобий ҳал қилган “Ред Булл” футболчилари ўз мураббийларини қуршаб олишади ва уни пиво билан “чўмилтиришга” тушиб кетишади. Бундай “меҳрибончиликдан” қочишни истаган Ралф Рангек югураётган жойида жароҳат ортриб олади. Кейинчалик маълум бўлишича, 57 ёшлик мураббий ҳазил аралаш шогирдларидан қочаётганда сирпаниб кетган ва оёғининг сон қисми лат еган экан. Ушбу воқеадан сўнг, мураббий Германийда кўплаб латифаларнинг бош қаҳрамонига айланиб кетди.
Ди Франческо
Италиянинг “Рома” клуби собиқ бош мураббийи Эусибио Де Франческо учун ҳам бундай ноодатий холат бегона эмас. Ўтган мавсумда “Рома” ўз уйида “Аталанта”ни қабул қилади ва сўнгги дақиқаларда мағлубиятдан қутулиб қолади. Киритилган голни ўзгача нишонлаган мураббий қўллари билан заҳира ўриндиғига қўли билан бир неча бор зарба беради. Ўйиндан сўнг, мураббий матбуот анжуманига эмас тўғри шифохонага йўл олади. Эртаси куни маълуб бўлишича, Ди Франческонинг бармоқ суякларидан бири синиб кетган экан. Ўша воқеадан сўнг, қарамонимиз машғулотларга бир муддат қўли гипс ҳолида ташриф буюрушга мажбур бўлган эди.
Гус Ҳиддинг
“Анжи” жамоасига катта пуллар ортидан ташриф буюрган Гус Ҳиддингга ҳам бундай жароҳатлар бегона эмас. Ўзининг илк машғулотларидан бирида футболчилар билан биргаликда “квадрат” ўйнаган қаҳрамонимиз Шамил Лаҳиялов билан тўқнашиб кетади ва жароҳат ортириб олади. Кейинчалик маълум бўлишича, голландиялик мураббийнинг тиззаси лат еган экан. Мураббийнинг илтимосига кўра бу воқеа анча пайтгача сир тутилган эди, лекин “Анжи”нинг собиқ футболчиларидан бири бу сирни ошкор этади.
Антонио Конте
Машғулотларда футболчилардек тер тўкишни хуш кўровчи қизиққон италиялик мураббий ҳам ушбу рўйхатда мавжуд. Ўзининг “Челси”даги фаолияти давомида қаҳрамонимиз бир нечта машғулотлатни ўтказиб юборишга мажбур бўлганидан хабарингиз бўлмаса керак. Гап шундаки, Лондон жамоасида иш бошлаганига кўп бўлмаган қаҳрамонимиз машғулот жараёнида жароҳат ортириб олади. Футболчилар билан биргаликда югураётган чоғида унинг оёқлари қайилиб кетади. Футболчилар ёрдамида майдон четига олиб чиқилган мураббийнинг оёқлари лат ейди ва қисқа муддатга сафдан чиқади. Контенинг ўзи ўша ҳодиса ҳақида ҳазил билан кўп бор сўзлаб берган.
Массимилиано Аллегри
Италиялик мураббийлар доиммо машғулот ўтказишда қолганлардан ажралиб туришни хуш кўрадиган кўринади. Алегри “Милан”ни бошқариб юрган кезлари тонгги машғулот ўрнига велосипедда шаҳар айланишни ҳуш кўрар, ва ўз шогирдларини ҳар куни тонгда бир соат ўзи билан велосипедда сайр қилгани олиб чиқар эди. Ана шундай эрталабки сайрларнинг бирида Алегри мувозанатни йўқотиб қўяди ва ўзи ҳос кичик “велоҳалокат”га учрайди. Шогирдлари ёрдамида клуб базасига етиб олган Алегрининг сон қисми лат еган ва оёқ пайларининг чўзилган экан. Энг қизиғи шундаки, футболчилар мураббий тонгги сайрга бир ҳафта мобайнида чиқмаган бўлсада, ўзлари бу ишни маромига етказиб амалга оширишади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
