Испания чемпионатининг 17-тури доирасида бўлиб ўтган «Реал Сосьедад» ва «Барселона» ўртасидаги ўйинда жанговар дуранг қайд этилди.
Учрашувнинг 11-дақиқасида мезбонлар бурчак зарбасини амалга оширган пайтда Бускетс ўз жарима майдони ичида рақиб футболчисини тортиб қолгани учун ҳакам "Барселона" дарвозаси томон пенальти белгилади. Микель Ойарсабаль 11 метрли жарима зарбасидан унумли фойдаланиб, ҳисобни очди.
Ушбу голдан кейин устунлик тўлалигича сан-себастьянликлар томонида бўлди. Бўлим тугашига 7 дақиқа қолганида каталонияликлар қарши ҳужум ташкил қилиб, ўзларининг илк имкониятидаёқ рақиб дарвозасини ишғол қилишди. Суареснинг узатмасидан кейин Гризманн яккама-якка вазиятга чиқиб бориб, "парашют" услубида тўпни дарвозабоннинг устидан ошириб қўйди.
"Кўк-анорранглилар" иккинчи бўлимни анча фаол бошлаб, тезда олдинга ўтиб олишди. Майдон марказида турган Бускетс ажойиб узатма билан Мессини дарвозабон билан яккама-якка вазиятга чиқиб кетди. Аргентиналик футболчи тўпни қизғанмади ва янада қулай вазиятда турган шеригига узатма берди. Луис Суарес бўш дарвозани забт этди.
Вальверде шогирдлари ўйинни назорат қилишаётган эди, токи дарвозабон қўпол хатога йўл қўймагунча. Начо Монреал томонидан чап қанотдан етказилган у қадар кучли бўлмаган тўпни Марк-Андре Тер Штеген шундоққина олдида турган Исакка қайтарди. Александер яқин масофадан дарвозани ишғол қилди.
Шундан кейин устунлик яна "Сосьедад" томонига ўтган бўлса, "Барселона" сўнгги дақиқаларда ғалабани илиб кетишга ҳаракат қилди. Аммо якуний ҳисоб — 2:2.
Шу тариқа, "Барса" 18 декабрь куни "Реал"га қарши бўладиган ўйин олдидан 2 очко йўқотди. "Реал" эса "Валенсия"га қарши ўйинда ғалаба қозонса, жадвалда 1-ўринга кўтарилиб олади.
Испания Ла лигаси, 17-тур
Реал Сосьедад – Барселона 2:2 (1:1, 1:1)
Голлар: 1:0 – 12, пенальти Ойарсабаль, 1:1 – 38 Гризманн, 1:2 – 49 Суарес, 2:2 – 62 Исак.
Реал Сосьедад – Ремиро, Льоренте, Сальдуа, Монреаль, Гевара, Мерино, Эдегор, Ойарсабаль (Барренечеа, 85), Субельдия, Порту (Янузай, 59), Исак (Виллиан Жозе, 66).
Барселона – тер Стеген, Лангле, Сержи Роберто, Альба (Семеду, 74), Пике, Бускетс (Аленья, 73), де Йонг, Ракитич (Видаль, 79), Месси, Суарес, Гризманн.
Огоҳлантириш: Суарес (74).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
