Ушбу рукнимиздаги энг сўнгги янгиликлар билан таништиришда давом этамиз.
“Челси” катта трансферга қўл урмоқчи
Лондоннинг “Челси” клуби қишки трансферлар чоғида ўз таркибини 3 та ҳужумчидан бири билан кучайтириб олмоқчи.
“Аристократлар” нишонида “Боруссия Дортмунд” ҳужумчиси Жейдон Санчо турибди. Клуб футболчи учун 100 миллион евро тўлашга тайёр, бироқ ушбу трансфер қишда амалга ошмаса, клуб ўз эътиборини бошқа ҳужумчиларга қаратмоқчи.
Жамоа шунингдек, “Кристал Пелас” ҳужумчиси Заҳа ва “Лейпциг» форворди Тимо Вернерни ҳам эътибор марказидан қочирмаяпти. Ушбу ҳужумчилар учун клуб таҳминан 60-70 миллион атрофида пул тўлашга тайёр. “Exspress” нашри берган маълумотларга суянадиган бўлсак, “Челси” қишда ўз аркибига Заҳани қўшиб олиш имконияти қолганларникидан кўпроқ. Гап шундаки, англиялик футболчининг ўзи тезроқ топ клублардан бирига ўтиш иштиёқида ёнмоқда.
“Милан” “Арсенал” футболчисига даъвогар
Миланнинг “Милан” клуби қишки трансферлар чоғида ўзининг асосий мақсадини белгилаб олди”-деб хабар бермоқда “трансфермаркет” нашри.
Унга кўра, клуб “Арсенал” ярим ҳимоячиси Гранит Жакани ҳарид қилиш ишларини бошлаб юборган. Клуб ярим ҳимоячи учун 40 миллион евродан воз кечишга тайёр. Шунингдек, ярим ҳимоячи учун Германиянинг “Герта” клуби ҳам даъвогарлик қилмоқда. Немис клуби шветсариялик футболчи учун 45 миллион евро тавол пули тўлашга ҳам рози.
Айни дамда футболчининг агенти ва ўз мижозига янги клуб излаш билан банд. Эслатиб ўтамиз, Жака ушбу мавсумни “тўпчилар” сардори сифатида бошлаган ва мухлислар билан бўлиб ўтган можородан сўнг, сардорлик боғичидан маҳрум қилинган эди.
Eдинсон Каванининг келажаги маълум
Парижнинг ПСЖ жамоаси ҳужумчи Эдинсон Кавани фаолиятини қайси клубда давом эттириши маълум бўлиб улгурди. Унга кўра, уругвайлик ҳужумчи Мадриднинг “Атлетико” жамоаси футболчисига айланади. Томонлар қишк трансфер ойнаси чоғида футболчининг Мадриддаги шартномаси борасида келишувга эришган ва ҳужумчи келаси йил ёзда Испания клубига эркин агент мақомида ўтади.
“Соccер” нашри берган хабрларга қараганда, Каванининг Мадриддаги йиллик маоши 12 миллион еврони ташкил этади ва шартнома 2023-йилгача имзоланади.
“Барселона” қишки трансферлар учун қанча ишлатиши аниқ
Катлониянинг “Барселона” жамоаси раҳбарияти клуб қишки трансферларни амалга ошириши учун пул ажратадиган кўринади. Раҳбарият жамоадан сотиб олинадиган футболчининг Ёши 25 дан кичик бўлишини талаб қилмоқда.
“Sports.es” нашри берган ахборотларга қараганда, клуб ушбу пулларга ПСЖ клубининг 17 ёшли футболчиси Одил Ошишни қўлга киритишга уруниб кўради. Ёш иқтидорли футболчининг парижликлар билан тузган шартномаси келаси йили ўз якунига етади. Франсия клуби иқтидорли Одилга янги шартнома таклиф қилганига қарамай, қаҳрамонимиз шартномани узайтиришдан бош тортган.
Агарда, ПСЖ Ошишни қишда сотиб юбормаса, ёзда уни текинга қўйиб юборишдан бошқа чора топа олмайди. “Барселона” скаутлари футболчининг ўйинларини бир неча бор стадионда кузатишга ҳам улгурганини инобатга олсак, қишда клуб яна бир келажаги порлоқ футболчини ўз сафига қўшиб олиши мумкин.
Манбанинг хабар беришича, “Барселона” Одилнинг трансфери учун таҳминан 10 миллион атрофида тавон пул тўлашни мўлжалламоқда. Воқеалар ривожини кузатишда давом этмамиз.
Анчелотти “Эвертон”га ўз шогирдини олиб келмоқчи
Ливерпульнинг “Eвертон” жамоаси қишки трансферлар чоғида дунёнинг энг қиммат ҳимоячиси сафига қўшиб олишни режалаштирмоқда.
Клубнинг янги бош мураббийи Карло Анчелотти “Наполи”даги собиқ шогирди Калиду Кулибалини қишки трансферлар чоғида таркибга қўшиб олишни режалаштирмоқда. “Наполи” клубидаги инқилоб чоғида, клуб раҳбари Аурелио Де Лаурентис барча юлдузларни сотиб юбормоқчи эканлигидан хабарингиз бор. Кулибали ҳам улардан мустасно эмас. Ўтган мавсумда “Наполи” ўз ҳимоячисини 100 миллион еврога баҳолаган эди. Эндиликда, клуб Калидуни 70 миллион эвазига ҳам қўйиб юборишга тайёр.
Айни дамда, “Эвертон”дан ташқари АПЛнинг иккита клуби футболчи борасида расмий таклиф билан чиқишга улгурди. Улардан бири Лондоннинг “Арсенал” клуби бўлса, иккинчиси “Манчестер Юнайтед”. Кулибалининг ўзи ҳам тезроқ италия жамоасидан кетишни исатамоқда. Шу сабабли, клуб томонидан таклиф этилган янги шартномадан воз кечди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
