Англия чемпионатининг ушбу мавсумида барча нарса "Ливерпуль"нинг чемпионлиги учун қараб кетмоқда. Мерсисайдликларнинг асосий рақиби — «Манчестер Сити» "Boxing Day"нги мағлубият билан бошлади. «Вулверхэмптон» ўз уйида "шаҳарликлар"ни мағлубиятга учратди.
Учрашувнинг 12-дақиқасида мезбонлар олис масофадан узатма бериб, ҳужумчини яккама-якка вазиятга чиқариб юборди. "Вулверхэмптон" футболчиси жарима майдонини тарк этган Эдерсоннинг устидан тўпни ошириб ўтди, аммо дарвозабон уни йиқитди. Ҳакам эса посбонга дарҳол қизил карточка кўрсатди. Серхио Агэуронинг ўрнига иккинчи дарвозабон Клаудио Браво туширилди.
Баҳснинг 21-дақиқасида Раҳим Стерлинг рақиб жарима майдони ичида йиқитилди. Ҳакам дастлаб қоидабузарлик йўқлигига ишора қилган эди. Аммо VAR билан узоқ маслаҳатлашувдан кейин пенальти белгилади. Раҳимнинг зарбасини Руй Патрисиу қайтарди, қайтган тўпни Стерлингнинг ўзи дарвозага жойлади.
Иккинчи бўлим бошида Раҳим дарвозабон билан юзма-юз вазиятга чиқиб кетиб, тўпни посбоннинг устидан оширганча дарвозани ишғол қилди.
Орадан 5 дақиқа ўтиб мезбонлар майдон марказида Стерлингдан тўпни олиб қўйишди ва Адама Траоре олис масофадан зарба бериб, ҳисобни қисқартирди.
Ўйин тугашига 10 дақиқа қолганида «Вулверхэмптон» рақиб дарвозасини 2 марта ишғол қилиб, ғалабани илиб кетди. Дастлаб Менди ўз жарима майдони ичида тўпни ҳужумчига олдириб қўйди ва дарвоза майдонига етказилган узатмани Хименес тўрга жойлади. Сўнгра мезбонлар ҳимоячиси Доэрти жамоадоши билан девор ўйнаб, жарима майдонига яқинлашди ва Месси услубида зарба йўллаб, жамоасига ғалаба келтирди.
Мазкур ғалабадан сўнг «Вулверхэмптон» 30 очко билан 5-ўринга кўтарилиб олди. "Бўрилар" биринчи давра ўйинида ҳам "Сити"ни мағлуб этган эди.
«Манчестер Сити» эса 38 очко билан 3-ўринда қолди. Гвардиола жамоаси пешқадам «Ливерпуль»дан 14 очко ортда қолмоқда. Клопп жамоаси ҳисобида битта захира ўйини бор.
Англия премьер-лигаси, 19-тур
Вулверхэмптон – Манчестер Сити 3:2 (0:1, 3:1)
Голлар: 0:1 – 25 Стерлинг, 0:2 – 50 Стерлинг, 1:2 – 55 Траоре, 2:2 – 82 Хименес, 3:2 – 89 Доэрти.
Вулверхэмптон – Руй Патрисиу, Дендонкер, Коуди, Саисс, Доэрти, Рубен Невеш, Моутинью, Кастро (Рубен Винагре, 73), Траоре, Хименес (Беннетт, 90), Диогу Жота (Нету, 79).
Манчестер Сити – Эдерсон, Уокер, Отаменди, Фернандиньо, Менди, Родри Эрнандес, Бернарду Силва, Марез (Эрик Гарсия, 46), де Брюйне (Гюндоган, 67), Стерлинг, Агуэро (Браво, 14).
Огоҳлантириш: Отаменди (60).
Четлатиш: Эдерсон (12).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
