30 октябрь. Futbol TV каналидаги фаолиятимни "Манчестер Юнайтед" - "Арсенал" ўйини билан бошладим. "Олд Траффорд" стадионида ўтган эди баҳс. Дуранг қайд этилганди.
Бугун тунда 2020 йилдаги илк шарҳим яна шу жамоалар ўйинига оид. Бу сафар учрашув "Эмирейтс"да.
Икки ой ичида нималар ўзгарди?
"Арсенал" икки мураббийи билан хайрлашди. Ҳозирда янги мутахассис бошчилигида янги даврни бошдан кечирмоқда. Артетадан умид катта, дейишяпти.
Сульшер эса, ўша пайтдаги оғир кунлардан эплаб чиқиб олди.
Турнир жадвалидаги турли ўринлар шундан. Бироқ, учрашув пайти ўзаро ўйинлар, турли статистика ва жадвалдаги вазият бир четга чиқиб туради.
Майдонга инглиз футболининг аср аввалидаги брендлари чиқиб келишади. Дарвоқе, XXI асрнинг дастлабки ўн йиллигида Венгер ва Фергюсон бошчилигидаги клублар нафақат Англия, балки дунё футболига мода улашарди. Иккинчи ўн йилликда даражалари бирмунча тушди.
Учинчи ўн йилликни айнан "Арсенал" ва МЮ очиб бераётганида ҳам рамзий маъно бордир балки. Эҳтимол шу ўйиндан сўнг икки суперклуб аср аввалидаги мавқеига қайтиб қолар. Балки.
Ўйин вақти жуда кеч демасангиз бўлгани. Ахир, Лондон ва Манчестер юлдузлари бедор бўлишингизга арзимайдими?!
Бирга кузатамиз!
Матнда хатолик топсангиз, ўша хатони белгилаб, бизга жўнатинг (Ctrl + Enter).