“Ман Сити”нинг барча барча замонлардаги футболчиларидан ташкил топган рамзий жамоа
“Шахарликлар” Англияда ўзига ҳос тарих ва юлдузларига эга жамоалардан бири саналади. Шайхларнинг катта пуллари келгач, бу жамоа ўзининг энг яхши даврларини бошидан кечиришни бошлади деганлар адашади. Бугун “Манчестер Сити” клуби тарихидаги энг кучли футболчилардан ташкил топган рамзий жамоа билан танишитирб ўтамиз.
Жо Корриган (Англия)
Эдерсон ҳали ёш, Ҳарт беқарор дарвозабон бўлган. Шундай экан, 20 асрга қайтишга тўгри келади. Жамоа сафида 16 йил дарвозани қўриқлаган афсонавий киппер Жо Корриган 604 та учрашувда майдонга тушган ва боши узра 7 совринни кўтарган. Аҳамиятлиси шундаки, бу совринлар ичида “Кубок эгалари кубоги” ҳам мавжуд.
Тони Бук (Англия)
1966-йилда жамоа сафига келиб қўшилган ўнг қанот ҳимоячиси 8 мавсум давомида жамоада тўп сурган бўлсада, ўзининг етакчилиги билан яққол ажралиб турган. Клубдаги кариерасини жамоа сардори сифатида якунлаган Букнинг ҳисобида 4 та соврин мавжуд.
Майк Дойл
Жамоа сафида 13 йил тўп сурган ҳимоячи ўз фаолиятини қанот ҳимоячиси сифатида бошлаган бўлсада, жамоа мухлисалри томонидан 2 бор йилнинг энг яхши футболчиси деб марказда тўп сурган йиллари тан олинган. Шу сабабли, биз уни марказга қўйдик.
Венсан Компани (Бельгия)
Жамоа тарихидаги энг совриндор сардор узоқ йиллар давомида рақиблар ва жароҳатлар билан мардонавор кураш олиб борди. 12 та соврин ва 360 та учрашув. Бундан ташқари, клуб мухлислари уни сўнгги 50 йилнинг энг яхши ўйинчиси деб ҳам эътироф этишган.
Пол Пауэр (Англия)
1975 йилда жамоага келиб қўшилган Пол қисқа муддат ичида барчанинг меҳрини қозонганлардан бири. 11 мавсум давомида рақиб дарвозаларини 46 бор ишғол қилган ҳимоячи бугунги рамзий жамоамиздан жой олишга ҳақли!
Яя Туре
Гвардиолагача бўлган даврнинг энг яхши футболчиси!
Кевин Де Брюйне (Бельгия)
Унинг ўрнида бир нечта бошқа вариантлар мавжуд эди, бироқ белгиялик футболчининг иқтидори сабабли рўйхатга киритдик. Унинг замонавий “Сити” учун қилган ишлари таҳсинга сазовор.
Колин Белл (Англия)
“Шахарликлар” сафида 1966-79 йиллар оралиғида тўп тепган футболчини эслаб ўтишимиз шарт. Қаҳрамонимиз жамоа сафида энг кўп гол (153) киритган ярим ҳимоячи саналади. Жамоа расмий сайти эса уни “Сити” таркибида тўп сурган энг яхши футболчи деб ҳисоблайди.
Рахим Стерлинг (Англия)
Раҳим 5 йилдан буён жамоа сафида бардавом ўйин кўрсатиб келмоқда. Гвардиоланинг жамоага келиши эса, унинг яширин қирраларини очди. Футболчи яна 5 йил юқори формада ўйин кўрсатишига ишончимиз комил.
Серхио Агуэро (Аргентина)
Жамо тарихидаги энг яхши тўпурарсиз (252) бу жамоани тасаввур қилиш қийин.
Мураббий
Джо Мерсер (Англия)
Мураббийлар борасида барча Гвардиолани кутган бўлса ажаб эмас. Шундай бўлсада, биз клуб мухлисларини катта пулларсиз ҳам 1965-71 йиллар оралиғида бахтли қилган афсонавий коач Жо Мерсерни танладик. Мураббий Англиядаги барча мусобақаларда зафар қучибгина қолмай, жамоа тарихидаги энг катта ғалаба(1970 йилда) “Кубок эгалари Кубоги”да ҳам ғолиб чиқишни уддалаган. Пеп ҳам бу ўринга лойиқ, бироқ у ЕЧЛда ғалаба қозониши талаб этилади. Унга қадар Жо ўз позитсиясида қолади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
