Парижнинг ПСЖ жамоаси ҳужумчиси Килиан Мбаппе “BBC sport” нашри учун қизиқарли интервью берди.
- АПЛда тўп суриш обрўлироқ деб ўйлайсанми?
-Mен айни дамда ПСЖ жамоаси шарафини ҳимоя қиляпман. Асосий мақсадим жамоанинг дунё ареналаридаги мавқейини кўтариш ва кўплаб совринлар ютиб бериш. Мен бу клубга келганимда 18 ёш бола эдим. Тўғри, машхур эдим, лекин супер юлдуз эмас. Энди эътибор беринг нималар ўзгарди? Бунинг учун терма жамоа ва ПСЖдан минаддорман. Ҳозир совуққонликни сақлаб қолган холда бор эътиборимни ПСЖга қаратмоқчиман. Ҳаммаси мавсум сўнгида муҳокама қилинади. Энг муҳими менинг ўйнимда пасайиш бўлмаслиги.
- “Ливерпуль” ҳақидаги фикринг қаданй?
- Бугунги кунда “Ливерпуль” амалга ошираётган ишларга ҳайрон қолмасликнинг иложи йўқ. Улар бирорта ўйинда мағлуб бўлишмади. Бу жуда қийин. Улар худди машина сингари ҳар бир ўйинга катта эътибор қаратишмоқда. Шу сабабли ғалаба қозонишда давом этишмоқда деб ҳисоблайман.
- Тренд Александр Арнолд сенинг голни нишонлаш услубингдан фойдаланидан хабаринг борми?
- Албатта, мен бу билан фахрланаман. У жуда ажойиб йигит.
- “Монако”га 14 ёшингда келганинг ҳақида сўзлаб берсанг?!
- Бу менинг ҳаётимдаги энг катта воқеа бўлган десам, адашмаган бўламан. Мени клубга отам олиб келган. Бу бизнинг ўша даврда олдимизда турган вариантлар ичидаги энг зўри эди. Янги жойда барча билан киришиб кетиш жуда мушкул. Тасаввур қилинг, 14 ёшли болакай ота-онасидан узоқда, бир ўзи истиқомат қилмоқда. “Монако”даги биринчи йилим давомида жуда кўп кўзёш тўкар эдим. Ҳаммаси соғинч туфайли. Қанчалар қийин бўлмасин, футболга бўлган муҳаббатим сабабли барчасига сабр қилдим. Шунчаки ўз орзуйим учун охиригача кураш олиб бордим.
- Оилангдан қандай маслаҳатлар олгансан?
- Жуда эрта машхурликнинг келиши ҳам оғирлик қилади. Тўғриси, бундан кўп жабр кўрганман. Шундай паллада оиламнинг далдаси барчасини бартараф этишга кўмак берган. Улар доиммо ҳотиржамликни сақлаб қолишни талаб қилишади. Дадам доиммо футбол оламига катта мақсадлар билан кириб келганим ва уларга содиқ қолишимни эслатиб турадилар. Оилам мен учун жуда муҳим.
- Келажакда сендан нима кутайлик?
- Ҳамма нарса кутишингиз мумкин. Ҳозир мени кимлигимни ва қандай тўп суришимни барча билади. Мен шу темпни ушлаб қолиш учун жуда кўп меҳнат қилишимга тўғри келяпти. Бундан ташқари, ўсишда ҳам давом этишим керак. Бизнинг клуб ҳали жуда ёш ва катта тарихга эга эмас, бироқ биз ўша тарихни ўз қўлларимиз билан ёзмоқчимиз. Биздан талаб этиладигани бор эътиборни ўйинга қаратиш, ва ҳотиржамлик билан орзулар сари ҳаракат қилиш.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
