Франциянинг "L'Equipe" нашри жаҳон футболи юлдузлари қанча маош олиши ҳақидаги маълумотларни топишга муваффақ бўлди.
Жаҳондаги энг юқори маош "Барселона" сардори Лионель Мессига тегишли. Аргентиналик футболчининг ойлик маоши 8,3 млн еврога тенг.
"Ювентус" ҳужумчиси Криштиану Роналдунинг маоши эса Мессиникига нисбатан деярли икки баравар кам. Португалиялик футболчининг ҳисоби ойига 4,5 млн еврога бойийди.
Учинчи ўринни "ПСЖ" форварди Неймар эгаллади. Бразилиялик футболчининг бир ойлик маоши 3 млн. евродан бироз ошади. Бу кўрсаткич бўйича у жамоадоши Килиан Мбаппени ортда қолдирган. Франциялик футболчининг бир ойлик маоши 2 млн еврога озгина етмайди.
Шунингдек, "Барселона" ҳужумчилари – Антуан Гризманн ва Луис Суареснинг ойлик маоши ҳам 3 млн евро арофида. "Реал" ярим ҳимоячилари — Гарет Бэйл ва Эден Азар ойига 2,5 млн евродан маош олишади.
Англияда эса энг кўп ойлик маош "Манчестер Юнайтед" дарвозабони Давид де Хеага тегишли (1,76 млн евро). Бу кўрсаткич бўйича у Месут Ўзил ("Арсенал") ва Кевин де Брюйне ("Манчестер Сити")ни ортда қолдирган. Бу футболчиларнинг ойлик даромадтлари 1,64 млн еврони ташкил этади.
Бундеслигада эса энг юқори маошни "Бавария" Роберт Левандовски ва Филиппе Коутиньога тўлайди — 1,66 млн евродан.
"Ювентус" аъзолари — Гонсало Игуаин ва Паоло Дибала Италия чемпионатида энг кўп маош оладиган футболчилар учлигига киришган — мос равишда 1,09 ва 1,06 млн евро.
Маълумот ўрнида. Бу суммаларда солиқ ва бошқа ажратмалар чиқариб ташланмаган.
Энг кўп ойлик маош олувчи футболчилар рейтинги (топ-20):
1. Лионель Месси — 8,3 млн. евро
2. Криштиану Роналду — 4,5 млн евро
3. Неймар — 3 млн евро
3. Антуанн Гризманн — 3 млн евро
3. Луис Суарес — 3 млн евро
6. Гарет Бэйл — 2,5 млн евро
7. Эден Азар — 2,5 млн евро
8. Килиан Мбаппе — 1,91 млн евро
9. Дэвид де Хеа — 1,76 млн евро
10. Роберт Левандовски — 1,66 млн евро
10. Филиппе Коутиньо — 1,66 млн евро
12. Месут Ўзил — 1,64 млн евро
12. Кевин де Брюйне — 1,64 млн евро
14. Тияго Сильва ("ПСЖ") — 1,5 млн евро
15. Эдинсон Кавани ("ПСЖ") — 1,345 млн евро
16. Маркиньос ("ПСЖ") — 1,2 млн евро
17. Марко Верратти ("ПСЖ") — 1,2 млн евро
18. Анхель ди Мария ("ПСЖ") — 1,1 млн евро
19. Гонсало Игуаин — 1,09 млн евро
20. Паоло Дибала — 1,06 млн евро
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
