Fransiyaning "L'Equipe" nashri jahon futboli yulduzlari qancha maosh olishi haqidagi ma’lumotlarni topishga muvaffaq bo‘ldi.
Jahondagi eng yuqori maosh "Barselona" sardori Lionel Messiga tegishli. Argentinalik futbolchining oylik maoshi 8,3 mln yevroga teng.
"Yuventus" hujumchisi Krishtianu Ronalduning maoshi esa Messinikiga nisbatan deyarli ikki baravar kam. Portugaliyalik futbolchining hisobi oyiga 4,5 mln yevroga boyiydi.
Uchinchi o‘rinni "PSJ" forvardi Neymar egalladi. Braziliyalik futbolchining bir oylik maoshi 3 mln. yevrodan biroz oshadi. Bu ko‘rsatkich bo‘yicha u jamoadoshi Kilian Mbappeni ortda qoldirgan. Fransiyalik futbolchining bir oylik maoshi 2 mln yevroga ozgina yetmaydi.
Shuningdek, "Barselona" hujumchilari – Antuan Grizmann va Luis Suaresning oylik maoshi ham 3 mln yevro arofida. "Real" yarim himoyachilari — Garet Beyl va Eden Azar oyiga 2,5 mln yevrodan maosh olishadi.
Angliyada esa eng ko‘p oylik maosh "Manchester Yunayted" darvozaboni David de Xeaga tegishli (1,76 mln yevro). Bu ko‘rsatkich bo‘yicha u Mesut O‘zil ("Arsenal") va Kevin de Bryuyne ("Manchester Siti")ni ortda qoldirgan. Bu futbolchilarning oylik daromadtlari 1,64 mln yevroni tashkil etadi.
Bundesligada esa eng yuqori maoshni "Bavariya" Robert Levandovski va Filippe Koutinyoga to‘laydi — 1,66 mln yevrodan.
"Yuventus" a’zolari — Gonsalo Iguain va Paolo Dibala Italiya chempionatida eng ko‘p maosh oladigan futbolchilar uchligiga kirishgan — mos ravishda 1,09 va 1,06 mln yevro.
Ma’lumot o‘rnida. Bu summalarda soliq va boshqa ajratmalar chiqarib tashlanmagan.
Eng ko‘p oylik maosh oluvchi futbolchilar reytingi (top-20):
1. Lionel Messi — 8,3 mln. yevro
2. Krishtianu Ronaldu — 4,5 mln yevro
3. Neymar — 3 mln yevro
3. Antuann Grizmann — 3 mln yevro
3. Luis Suares — 3 mln yevro
6. Garet Beyl — 2,5 mln yevro
7. Eden Azar — 2,5 mln yevro
8. Kilian Mbappe — 1,91 mln yevro
9. Devid de Xea — 1,76 mln yevro
10. Robert Levandovski — 1,66 mln yevro
10. Filippe Koutinyo — 1,66 mln yevro
12. Mesut O‘zil — 1,64 mln yevro
12. Kevin de Bryuyne — 1,64 mln yevro
14. Tiyago Silva ("PSJ") — 1,5 mln yevro
15. Edinson Kavani ("PSJ") — 1,345 mln yevro
16. Markinyos ("PSJ") — 1,2 mln yevro
17. Marko Verratti ("PSJ") — 1,2 mln yevro
18. Anxel di Mariya ("PSJ") — 1,1 mln yevro
19. Gonsalo Iguain — 1,09 mln yevro
20. Paolo Dibala — 1,06 mln yevro
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
