Европа чемпионлар лигасининг нимчорак финал босқичидаги энг марказий ўйинлардан бири "Сантьяго Бернабеу"да бўлиб ўтди. Сокинлик билан бошланган "Реал" ва "Манчестер" жамоалари ўртасидаги ўйин кескин бурилишларга бой бўлди.
Биринчи бўлимда ҳар иккала жамоа эҳтиёткор ўйин намойиш қилди, шунга қарамай, жамоалар голли вазиятларга эга бўлишди. Жумладан, баҳснинг 21-дақиқасида Кевин де Брюйненинг аниқ узатмасидан кейин Жезус рақиб жарима майдонига кирди, Варанни алдади ва яқин масофадан зарба берди. Куртуа "Мадрид"ни қутқарди.
Учрашувнинг 30-дақиқасида эса "Реал" ўта қулай имкониятдан фойдалана олмади. Ферлан Мендининг юқоридан етказган узатмасидан кейин Бензема бош билан хавфли зарба йўллади. Эдерсон зарбани бир амаллаб қайтарди, аммо дарвоза майдони чизиғи устида тўпни эгаллаган Винисиус зарба бера олмай йиқилиб тушди.
Биринчи бўлимга қўшиб берилган дақиқаларда "шаҳарликлар" гол уришга яқин келишди. Бурчак зарбаси амалга оширилганидан сўнг Куртуа тўпни эгаллай олмади. Жезуснинг зарбасини эса Каземиро ва Рамос чизиқ устида қайтариб қолишди.
Иккинчи бўлимда эса Гвардиола жамоаси кескинроқ ўйнай бошлади. Аммо ҳисобни очиш мезбонларга насиб қилди. Винисиус рақиб жарима майдони яқинида Отамендидан тўпни олиб қўйиб, ичкарига кирди ва нарига қанотдан ёрдамга келган Искони тўп билан таъминлади. Испаниялик ярим ҳимоячи яккама-якка вазиятда "Сити" дарвозасини ишғол қилди.
Голдан кейин Зидан жамоаси ташаббусни ўз томонига оғдирди, иккинчи голни уриш учун олдинга ўтиб турди. Ўйин тугашига 12 дақиқа қолганида эса манчестерликлар кутилмаган вазиятда ҳисобни тенглаштиришди. Кевин де Брюйне қанотдан етказган узатмани Жезус бош билан рақиб дарвозасига жойлаб қўйди.
Ушбу гол ўйиннинг боришини бутунлай ўзгартириб юборди. Орадан 4 дақиқа ўтиб Карвахаль ўз жарима майдони ичида Стерлингни чалиб йиқитди. Кевин де Брюйне пенальтидан унумли фойдаланиб, "Ман. Сити"ни олдинга олиб чиқди.
Орадан яна 4 дақиқа ўтиб Серхио Рамос майдондан четлатилди. У дарвозабон билан яккама-якка вазиятга чиқаётган Жезусни қўли билан тўхтатиб қолди. "Реал" бахтига ушбу вазият учун пенальти эмас, жарима майдони чизиғи остонасидан жарима зарбаси белгиланди. Маҳрезнинг зарбасини эса Куртуа эгаллаб олди.
Шу тариқа, "Манчестер Сити" жавоб учрашуви олдидан жиддий устунликка эга бўлиб олди.
ЕЧЛ, нимчорак финал, дастлабки ўйин
Реал Мадрид Испания – Манчестер Сити Англия 1:2 (0:0, 1:2)
Голлар: 1:0 – 60 Иско, 1:1 – 78 Габриэл Жезус, 1:2 – 83, пенальти де Брюйне.
Реал Мадрид – Куртуа, Карвахаль, Варан, Менди, Рамос, Каземиро, Модрич (Васкес, 84), Иско (Йович, 84), Вальверде, Винисиус Жуниор (Бэйл, 75), Бензема.
Манчестер Сити – Эдерсон, Менди, Отаменди, Лапорт (Фернандиньо, 33), Уокер, Гюндоган, де Брюйне, Бернарду Силва (Стерлинг, 73), Родри Эрнандес, Марез, Габриэл Жезус.
Огоҳлантиришлар: Менди (29), Вальверде (48), Модрич (54).
Четлатиш: Рамос (86).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
