Stadion.uz тарихга назар солади ва АПЛда чемпионлик учун барчадан кўп хисса қўшганига қарамай, мухлислари эътиборидан четда қолган футболчилар билан таништириб ўтади. Бугунги қаҳрамонларимиз ижтимоий тармоқлар ёки шов-шувли интервmюлардан йироқ, лекин жамоа учун катта наф келтирганлар эканлигини англанган бўлсангиз, ажаб эмас.
1999-2000. Ники Батт, «Манчестер Юнайтед»
Аслида “Манчестер Юнайтед”нинг 2000-йилдаги чемпионлигидан бир мавсум илгари жамоа футболчилари “требл”қайд этгани боис уларнинг бирортаси эътибордан четда қолмаган. Шунга қарамай, Ники Батт майдон марказидаги жангчилардан бири сифатида бугунги рўйхатимизни очиб беради. Ярим ҳимоячи майдонда қанчалар кучли ўйин кўрсатмасин, барибир Бекҳэмнинг соясида қолиб кетар, мухлислар доимо Бекснинг супер жарима зарбалари таъсирида Баттнинг меҳнатини унутиб қўйишар эди. Ваҳоланки, 2000-йилги чемпионлик чоғида Ники жамоанинг энг муҳим фигураси бўлган эди.
2000-2001. Дэвид Бекхэм, «Манчестер Юнайтед»
Дэвид ўша йили Англия терма жамоасида шу қадар яхши ҳаракат қилдики, унинг “Манчестер Юнайтед”да кўрсатган футболига кўпчилик эътибор қаратмади. У айнан ўша йилги чемпионлик мавсумида тўлиқлигича жамоа унинг атрофида қурилган бўлиб, у Фергюсоннинг ғалаба калити вазифасини бажариб берган.
2001-2002. Сильвен Вильтор, «Арсенал»
2002-йилги чемпионликдан сўнг, барча Анри ва Пиреснинг ўйинларидан тўлқинлангани рост. Тўғриси, Анри ва Пиреснинг “Арсенал” чемпионлиги учун қўшган хиссаси улкан эканлиги бор гап, бироқ кўпчилик ўша мавсумда жамоада Сильвен Вильторнинг борлигини бугун эслай оладими? “Манчестер Юнайтед”нинг уч йиллик ҳукмронлигига барҳам берилган йили Вильтор жамоанинг энг яхши ассистентларидан бири бўлганидан бугунги авлод хабардорми? Афсонавий “Олд Траффорд”да гол киритиб “Арсенал”га чемпионликни тақдим этган ҳужумчи ҳеч қачон керакли даражада ҳурмат билан ёдга олинмагани ачиқ ҳақиқат.
2003-2004. Жилберто Силва, «Арсенал»
Лондонликлар ўша йили чемпионатни мағлубиятсиз якунлашгани кўпчиликнинг ёдидан кўтарилмаган. Тан олиш лозим, Арснел Венгер жамоасида 2003-2004-йилларда фақатгина юлдуз футболчилар ҳаракат қилишган. Айниқса, ярим ҳимоядаги футболчиларни алоҳида қайд этиб ўтиш жоиз. Ўша таркиб футболчиларидан Патрик Виерани кўпчилик яхши эслайди, бироқ Венгер учун жуда муҳим бўлган таянч зонасини бир ўзи беркитган Жилберто Силва кўпинча эътибордан четда қолган. Силва чемпионлик мавсумида нафақат таянч ярим ҳимоясида, балки марказий ҳимояда ҳам бирдек тер тўккан ва айнан унинг меҳнатлари эвазига жамоа майдон марказини АПЛнинг бирорта клубига топшириб қўймаган.
2004-2005. Клод Макелеле, «Челси»
Клод Англияда шу қадар ишончли ҳаракат қилдики, хатто инглиз матбуоти таянч зонаси футболчиларини “Макалеле позициясида ҳаракат қилувчилар” деб таърифлай бошлади. “Челси”нинг ғалабалари чоғида газета ва журналларнинг муқовасида асосан Моуриньо, Терри ва Лэмпардлар кўриниш беришган бўлса-да, майдонда ҳеч ким Клод Макалеле сингари ишончли ўйин кўрсатмаган. Айниқса, “аристократлар” учун чемпионлик билан якунланган мавсумда Жозенинг ўйинни айнан Клод Макалеле орқали бошқарган. Буни мураббий ўз интервьюларида бир неча бор ошкор қилгани ҳеч кимга сир эмас.
2005-2006. Уильям Галлас, «Челси»
Орадан бир йил ўтиб, Англия футбол олами Макалеле эффектини кўргач, ярим ҳимоячи юлузга айланиб кетди. Шу сабабли, “Челси” сафида янги юлдузча пайдо бўлиши керак эди ва у пайдо бўлди. Ўша мавсумда “Челси” ҳимоясининг исталган нуқтасида кўриниш беришни бошлаган Уильям Галласга алоҳида тўхталиб ўтмоқчимиз. Унверсал ҳимоячи нафақат ишончли ҳимоячи, балки муҳим голларни киритишга қодир чинакам етакчилардан бири ҳам эди. У чемпионлик мавсумида “МЮ”, “Тоттенҳем” ва “Ливерпуль” дарвозаларига ғалаба келтирган голларни киритишга муваффақ бўлган. Жамоа унинг клуб олдидаги хизматлари учун “миннатдорчилик”сифатида эса.... “Арсенал”га Эшли Коул трансферининг бир қисми сифатида жўнатиб юборган.
2006-2007. Луи Саа, «Манчестер Юнайтед»
Бу пайтга келиб Руни ва Роналду ўзининг илк чемпионлигини нишонлаган ва бутун дунё Ферги бобонинг янги топилмаларидан ҳайратда эди. Шунга қарамай, Руни ва Роналду сингари жамоанинг чемпионлиги учун катта хисса қўшган яна бир футболчи бор-ки, уни кўпчилик доимо захирада ўтирган ҳолида эслаб қолган. Луи Саа жароҳатлар билан ўралашиб қолишига қарамай, ҳамишажанговор формани йўқотиб қўймаган ҳужумчилардан эди.
2007-2008. Уэс Браун, «Манчестер Юнайтед»
Мавсум бошида жамоа ўзининг асосий қанот ҳимоячиси Гарри Невиллдан айрилгач, катта саҳнага Уэс Браун чиқди. Ёш бўлишига қарамай, бутун мавсум давомида ишончли ҳаракат қилган футболчи жамоа билан АПЛда ғолиб чиқишга муваффақ бўлди. Шунингдек, Москвада бўлиб ўтган Чемпионлар лигаси финалида ўз ҳисобига ассист ёзиб қўйишга ҳам улгурди. Якунда, барча Роналду, Руни, Фердинанд, Тевез сингари футболчилар клуб фахрига айланди, Уес эса катта меҳнат қилганига қарамай, улардан бироз орқароқ фонда қолиб кетди.
2009-2010. Жо Коул, «Челси»
Лондон клуби чемпионлик учун кураш олиб борган мавсум Коул учун “Челси”даги сўнггиси эди. “Аристократлар” мусобақа якунланишига 5 тур қолган бир пайтда жадвалда иккинчи ўринда боришаётган эди. “Челси”нинг “Олд Траффорд”даги ғалабаси барчасини ўзгаритиб юборади ва ўша учрашув сабабли “Челси” чемпионликни “қизил иблислар”нинг бурни тагидан илиб кетади. Ҳа айтгача, “Челси” учун ҳал қилувчи ўйинда Эшли Коул битта гол ва битта узатма беради ҳамда ўз жамоасини “Манчестер Юнайтед”дан ўзиб кетишини таъминлаб беради.
2010-2011. Парк Чжи Сун, "Манчестер Юнайтед"
Узоқйиллик танаффус чоғида “қизил иблислар” керакли футболчиларни жамлашга муваффақ бўлишди. 2010-2011-йилги АПЛ мавсумида Нани энг яхши ассистент бўлди, Бербатов жамоа тўпурари бўлган бўлса, журнал муқоваларидан Рунининг сурати тушгани йўқ. Шундай бўлсада, чемпионлик мавсумида “Манчестер Юнайтед” либосида меҳнат қилган ва жамоаси учун ҳар учрашувда жанг қилган Парк Жи Сунни ҳам алоҳида эътироф этиш зарур. Айнан у Алекс Фергюсоннинг чампион таркибида иккинчи пландаги энг яхши актёр сифатида ҳаракат қилди ва бу ўз самарасини бермай қолмади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Динамо
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
