Терим коронавирусни енгдими? Грилиш шарманда бўлди ва ҳафтанинг қизиқарли хабарлари
Stadion.uz коронавирус билан оғриган футболчи ва мураббийларнинг аҳволи билан таништиришда давом этади.
Фотих Терим
“Галатасарой” жамоаси бош мураббийи Фотих Терим ўтган ҳафта COVID-19 вируси билан оғригани ҳақида хабар берган эдик. Очиғи, 66 ёшли мутахассиснинг бу касалликка чалингани кўпчиликни хавотирга солган эди. Катта ёшдаги инсонларда оғир кечадиган вирус симптомлари туркиялик мураббийни катта қийинчилик билан бўлсада бартараф этишга муваффақ бўлди.
Туркиянинг “Сабаҳ” нашри берган хабарларга қараганда, “император” бугун касални тўлиқ енгганини шифокорлар маълум қилган. Қаҳрамонимиз шифохонада бўлишига қарамай, твиттер орқали барча билан фикр алмашиб турди. Бундан ташқари, айнан у Туркия чемпионатини тўхтатиш борасида биринчилардан бўлиб ташаббус билан чиқди. Манба берган хабарларга қараганда, тез орада шифокорлар Теримни карантиндан чиқишига рухсат беради.
“Валенсия”да нима гаплар
Европа клубларининг бирортаси коронавирус юқтириб олиш борасида “Валенсия” билан тенглаша олмаса керак. Ачинарлиси шундаки, айни дамда клуб футболчиларидан бирйўла 10 нафарида вирус аниқланган бўлса, яна 15 та клуб персонал хизматчилари ҳам COVID-19 юқтириб олгани маълум бўлди. Бугунги кунда бутун “Валенсия” жамоаси карантинга олинган. Клуб матбуот ҳимзати футболчиларнинг аҳволи ҳақида маълумот беришдан бош тортмоқда. Клуб ходимларининг аҳволи эса, анча яхшилангани ҳақида MArca нашри таъкидлаб ўтди.
“Аталанта” дарвозабонининг аҳволи оғир
Бергамо клуби футболчиларининг катта қисми вирус чалинганидан хабарингиз бор. Айни дамда, Италия вируснинг марказига айланиб бормоқда. “Аталанта” футболчилари орасида биринчилардан бўлиб COVID-19 аниқланган Марко Спортьеллонинг аҳволи анча оғир эканлиги маълум қилинди. Дарвозабон биринчилардан бўлиб клуб президентига “Аталанта” учун мавсум якунланганини маълум қилишни тавсия қилган эди. Шифокорларнинг маълум қилишича, дарвозабоннинг имунитети бироз пастроқ бўлгани боис, организми касалликни енгишга қийналмоқда. Шунга қарамай, Спортьелло ижтимоий тармоқлар орқали барчани бирлашишга чорламоқда.
Клуб президенти вафот этди
Италия C сериясидан фаолият юритадиган “Пергокрема” клуби собиқ президенти Андреа Микеле, афсуски, коронавирус туфайли ҳаётдан кўз юмди.
Ломбардия клуби президенти жамоа учун катта наф келтирди. У жамоани қўлга олгач, клуб D серияда ғалаба қозонди ва чинакам профессионал клубга айланди. Жамоа академияси ҳам иш беришни бошлади. Алессио Таккинарди ва Дарио Убнер сингари футболчиларни етказиб берган “Пергокрема” раҳбари ўзининг абжирлиги билан Италияда ном қозонган эди. Афсуски, коронавирус 37 ёшли мутахассисни эрта ҳаётдан олиб кетди. Агар, ушбу вирус бўлмаганида, Андреа тез орада гранд клублардан бирида иш бошлаши аниқ эди...
Туркияда вазият жиддий
Истанбулнинг “Фенербаҳче” клуби жамоанинг асосий футболчиларидан бири ва клуб шифокори ушбу вирусни юқтириб олганини тан олди, бироқ уларнинг номини ошкор қилишни истамаяпти. “Сабаҳ” нашри берган хабарларга қараганда, “Фенербаҳче”нинг легионерларидан бири ушбу вирусни юқтириб олган ва у айни дамда уйда карантин режимида ўтирибди. Клуб шифокорининг аҳволи анча яхшилангани ҳақида клуб расмий сайти хабар берганига қарамай вазият анча жиддий.
Испанияда футболчилар COVID-19 билан курашмоқда
“Валенсия” футболчиларининг вирус юқтириб олиши билан иш тўхтагани йўқ. Айни дамда “Эспаньол” футболчиларининг иккитасида ушбу касаллик аломатлари кузатилган. Шунингдек, “Эльче” футболчиси Жонатас ҳам расман касал юқтириб олганини маълум қилди. Айни дамда у 15 кунлик карантинда. Бундан ташқари, “Жирона” жамоасининг бир йўла 2 футболчиси карантинда сақланмоқда. Уларнинг соғлиғи қанда эканлиги борасида ҳозирча маълумотлар йўқ.
Роналдуда ҳаммаси жойида
Криштиану Роналду яқиндагина коронавирус борасида тест топширди. Унда ҳеч қандай вирус аломатлари аниқланмаган. “Ювентус” футболчиси Ругани бу дардга дучор бўлган бўлсада, Кришда бу борада ҳеч қандай муаммо чиқмагани қувонарли.
Россиялик футболчиларнинг бирортасида ҳозирча ушбу вирус аниқланмаган бўлсада, Остон Ўруновнинг жамоадоши Оливье Тиллда касалликнинг симптомлари аниқланган. Клуб расмий сайти берган хабарларга қараганда,люксембурглик футболчи топширган сўнгги тест салбий натижа берган ва унинг аҳволи жуда яхши.
АПЛда вазият юмшамоқда
Англиянинг “Вест Хэм” клуби президенти клуб футболчиларининг бирйўла 8 нафарида шамоллаш аломатлари борлиги боис тест топширгани ва уларда COVID-19 аниқланмагани борасида расмий баёнот билан чиқди. Каррен Брэйдининг айтишича, улар шунчаки шамоллаб қолишган холос.
Грилиш шарманда бўлди
Бу ҳафтанинг антиқаҳрамони сўзсиз Жек Грилиш бўлди десак, адашмаган бўламиз. “Астон Вилла” сардори ўз ижтимоий тармоқларига барчага карантин чоғида уйдан чиқмасликни маслахат берган видео мурожаат жойлаган. Орадан бир неча соат ўтгач, унинг бошқарувидаги “RangeRover”билан автоҳалокатга учраган. Британия нашрларининг маълум қилишича, Грилиш ўша куни тунги клублардан биридан қайтаётган бўлган. Унинг кузатувчилари футболчини иккиюзламачиликда айблашмоқда. Интернет эса, турли мемларга тўлиб кетди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ўзбекистон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
