Дунё аҳлини титратган ойнинг охирги куни. Энг кўп жабр чекаётган юрт шубҳасиз Италия. Шу боис, Италия футболининг ажойиб ўйинларидан бирини эслашга ижозат бергайсиз.
"Ювентус" – "Милан". 2018 йилнинг 31 март куни "Алянц стэдиум"да ўтказилган баҳс Италия футболининг байроқдорлари ўртасидаги муҳим ўйин эди.
Тўғри, 2018 йилги "Милан" ўзгараётган, ҳали қатъий қай йўлга тушиб олгани номаълум, Гаттузога ишонч билдирилган, таркиби юз фоизга ўзгариб кетган "Милан" эди. Ундан бирданига оламшумул муваффақиятни, ё инқирозни кутиш ҳам мумкин эди. Афсуски, аср аввалининг олди жамоаси инқироз йўлини танлади.
Аммо шундай бўлса ҳам, "Ювентус"га қарши ҳар бир ўйинда "Милан" юқори даражада ўйнаб беради. Кўп эътибор берганман. Эҳтимол, биргина ўйинга ўтмишнинг нурли онларини кўчириб ўтишга ҳаракат қилар. Ёш футболчилар эгнидаги либосни кимлар кийганини эслаб қолишар. Ё Гаттузо каби клуб афсонасиб бўлган йигитлар тушунтира олишар шу нарсани.
Хуллас, "Ювентус" шу куни анчайин қийналган. Гарчи ҳисобни Дибала суперзарбаси билан очган бўлса-да, "Милан" тезда фарқни йўққа чиқарган. Гол муаллифи – Бонуччи. Ҳа, ўша Бонуччи. "Ювентус"дан баъзи сабаблар туфайли "Милан"га ўтган ва собиқ жамоасига қарши баҳсда ўзини кўрсатган Леонардо.
Ўйин тугашига ўн дақиқа қолгандагина "Ювентус" жисмоний томондан устунлигини кўрсатди ва "Милан" ҳимоясининг заиф томонларидан фойдалана олди. 79-дақиқа Хуан Куадрода ҳисобни "Юве" томонга оширган бўлса, Сами Хедира ўйинга нуқта қўйди. 3:1.
Ўйинга мос натижа бўлмаганини айтиб ўтайлик шу ерда. Тўп назорати элликка эллик, хавли зарбалар бўйича "Милан" 10:7га енгган. Ўнтадан бештаси дарвоза соҳасига аниқ йўлланган, "Ювентус"да тўрттаси. Тўрттадан учтаси гол. Бу албатта тажриба билан боғлиқ масала.
"Милан" охиригача шундай ўйнай олмади ва Гаттузони бўшатиб юборди. Хато қилди. Бугунги "Наполи" ижросидаги ўйинларда кўряпмизки, унга ишонавериш керак экан.
Шунинг учун эсладим. Афсус, бугун шу стадион ва диёр футболни ҳаммадан кўпроқ соғинмоқда.
Хайрулла Ҳамидов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
