Stadion.uz футбол оламидаги энг ноодатий ва тарихий воқеаларни ёдга олади.
Истанбул ва Барселонадаги Чемпионлар лигаси финал учрашувлари барчамизнинг ёдимиздан кўтарилмагани аниқ. Бугун ушбу воқеалардан-да машҳурроқ ва ёдда қоларли воқеаларга қисқача тўхталиб ўтади.
“Бир қўлли Жаҳон Чемпиони”
Эктор Кастро ҳақида эшитмаган бўлсангиз, ажаб эмас. Қаҳрамониз 1930-йилда ўтказилган ЖЧ ғолиби, Олимпиада олтин медали эгаси, икки карра Америка чемпионати ғолиби саналади. Аслида унинг футбол тарихида қолиши бу совринлар билан боғлиқ эмас. Қаҳрамонимиз 13 ёшида бахтсиз ҳодиса сабабли бир қўлининг ярмидан жудобўлганига қарамай, профессионал футболчи бўлиш фикридан қайтмайди. Уругвайнинг ғолиблиги якунланган ЖЧдаги илк голни киритган Эктор Кастро бутун мусобақа давомида яна бир бор гол киритади ва Мундиалда ғолиб чиқади. Бутун фаолияти давомида “Эл Манcо” (бир қўлли) лақаби билан ҳаракат қилган футболчи бугунги рўйхатимизда бўлишга ҳақли!
Тофик Баҳромов – ЖЧ-1966
Бу воқеага 50 йилдан ошиб кетган бўлсада, баҳсли вазият ўз ечимини топганича йўқ. 1966-йилда Англияда бўлиб ўтган ЖЧ финал учрашувида Жефри Херрест Англияга ғалаба тақдим этган голни дарвозага киритади. Зарбадан сўнг тўпдарвозанинг юқори тўсинига теккач, дарвоза чизиғи устидан ортга қайтади. Швейцариялик бош ҳакам аввалига голни инобатга олмайди ва қанот ҳакамидан ёрдам сўрайди. Анчайин баҳсли вазият бўлишига қарамай, собиқ иттифоқлик ҳакам Тофик Баҳромов тўп дарвоза чизиғини кесиб ўтганини ҳакамга маълум қилади. Инглизларнинг 4-голидан сўнг, ўйин тақдири ҳал бўлади. Бу голни Германияда ҳали ҳамон “Уэмбли-гол” деб аташади. Рус нашрларининг маълум қилишича, Баҳромов умри сўнггидаги интервьюларидан бирида ўша вазиятга қуйидагича изоҳ берган экан: “Бу уларга Сталинград учун!”
Антонин Паненка
Бугунги кунда пенальтидан “паненка” услубида гол киритиш қандай бўлишини барчамиз яхши биламиз, бироқ нима учун бу зарбани айнан “паненка” деб номлашганиничи? 1976-йилда ўтказилган Европа чемпионатида Чехословакия футболчиси Антонин Паненка биринчи бўлиб дарвозабонларни доғда қолдириш услубини футболга омадли тадбиқ этади. Бу услубда қайси супер юлдуз гол киритмасин, у Паненканинг номига ёзилаверади.
Бир ўйинда иккита аср голи
Футбол тарихида энг кўп ёдга олинувчи учрашув сифатида тарихда қолган ЖЧ-1986 мусобақасидаги Аргентина ва Англия тўқнашувида Марадона ўзини энг буюк футболчига айлантирган иккита голни киритади. Голлар орасидаги тафовуткатта бўлмасада, уларнинг ҳар бири футбол оламида ўзгача улканлиг касб этган эди.
“Уэмбли”даги ўргимчак сэйви”
Рене Игитани футбол тарихига исмини абадий ёзиб қўйган сэйвни 1995-йилда Англия ва Колумбия ўртасидаги ўртоқлик учрашувида амалга оширади. Ўйин нурсиз дуранг билан якунланганига қарамай, Игита биргина ҳаракати билан ўша учрашувни безаб берган эдик. Кейинчалик, унинг сэйвини “чаён зарбаси” деб атай бошлашди. Бугунги кунга қадар ҳали бирорта дарвозабон Игита амалга оширган ишни уддалай олмаган.
Зидан Матераццига калла қўйди
Барча замоналардаги энг яхши футболчилардан бири Зайниддин Зиданнинг сўнгги учрашуви ЖЧ-2006 мусобақаси финалига тўғри келади. Ўша куни Зидан майдонни чемпион сифатида тарк этиши мумкин эди, бироқ у майдонни чинакам эркак сифатида тарк этишни афзал кўрди. У синглиси ва онасига қаратилган ҳақоратга дарров жавоб қайтаришга қарор қилди. Оқибатда Зизу ўз фаолияти давомида ютиш керак бўлган барча мусобақаларда зафар қучган футболчи бўлиб эмас, Матераццини “майдонга қулатган”и билан барчамизнинг ёдимизда қолди.
Луис Суареснинг ўткир тишлари
Уругвайлик футболчи аввал ҳам ўйин давомида рақибларига қарши тиш билан ҳужум қилган, бироқ унинг Кьелинини тишлаб олиши мундиал ўйинига тўғри келиб қолди. Шу сабабли, бу вазият ФИФА ва УEФА томонидан қаттиқ қораланди ва ҳужумчи 4 ойга футболдан четлаштирлди. Шунга қарамай, бу четлатиш унга “Ливерпуль”дан “Барселона”га ўтиши учун тўсқинлик қила олмади.
Манба: Stadion.uz
Киритилди: 07:22, 04.04.2020. Ўқилди: 5751 марта. Фикрлар: 0 та.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
