Дунё футболида Ислом динини қабул қилган футболчилар истаганча топилади. Бу жуда қувонарли ҳолат. Бугунги саҳифамизда мусулмонликни ўзига шараф деб билган чарм тўп усталари ҳақида сўз юритамиз.
Месут Ўзил
Албатта, мусулмон футболчилар деганда биринчилардан бўлиб айнан Ўзил кўз олдимизда гавдаланади. Боиси кўп бора унинг майдонга тушишдан олдин ёки майдонда Аллоҳга илтижо қилиб, дуо ўқиганини кўрганмиз. Ёки яқинда уйғур мусулмонларининг ёнини олиб, Хитойга қарши чиққанидан ҳам хабардорсиз. Ҳозирда Ўзил "Арсенал" сафида тўп сурмоқда.
Сами Хедира
Германиялик футболчининг мусулмон эканлигини балки, билмассиз. Аммо Сами ҳам худди Ўзил каби мусулмонлик бурчларини шараф билан бажариб келади. Қолганини Аллоҳ билгувчи.
Жердан Шакири
Швейцария терма жамоаси ҳамда "Ливерпуль" клуби вакили Жердан Шакири ҳам Ислом динига меҳр қўйган. Тўғри, буни майдонда мухлислар кўз ўнгида кўп ҳам кўрсатавермайди. Шунинг учунми, Шакирининг мусулмон эканлигини ҳамма ҳам билмас.
Поль Погба
Погба — мусулмон. Буни кўпчилик билади. Аммо франциялик футболчининг ташқи кўринишию айрим қилиқлари мусулмончиликка тўғри ҳам келмас. Лекин бу борада якдил хулоса чиқариш Ўзининг ҳукмида. Билганимиз, Погба Ислом динини қабул қилган.
Бакари Санья
"Манчестер Сити" клубидаги ўйинлари билан мухлисларга яхшигина танилган футболчи. Сенегалда туғилган, Франция терма жамоаси сафида ўйнаган. Санья сенегаллик бошқа бир миллатдоши — Садио Мане каби Ислом динини қабул қилган.
Эмре Жан
Эмре Жаннинг Ўзил билан ўхшаш томонлари кўп — иккаласининг ҳам миллати турк, иккаласи ҳам Германия терма жамоаси шарафини ҳимоя қилган ва ниҳоят иккаласи ҳам мусулмон.
Гранит Жака
Швейцариялик яна бир мусулмон футболчи. Жердан Шакирининг ватандоши. Айни дамда "Арсенал"да тўп сурадиган футболчи Исломни қабул қилган.
Арда Туран
Сўнгги пайтларда кўп марта можаролар марказида қолган туркиялик футболчи. Юқоридаги турклардан фарқли равишда у Туркия терма жамоаси шарафини ҳимоя қилган. Ўхшаш томони эса – у ҳам мусульмон.
Мусса Дембеле
Бельгиялик Мусса Дембеле ҳам мусулмон ҳисобланади. У бу борада ягона эмас.
Маруань Феллайни
Яна бир бельгиялик мусулмон футболчи. Бир пайтлар "Эвертон", "Манчестер Юнайтед" каби клублардаги ўйини билан мухлислар эътиборига тушган Маруан ҳам юқоридаги 9 футболчи каби мусулмон.
Манба: soccernews.ru
Киритилди: 22:24, 07.04.2020. Ўқилди: 10234 марта. Фикрлар: 2 та.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
