Ушбу рукнимиздаги энг сўнгги янгиликлар билан таништиришда давом этамиз.
“Реал” футболчиси “Барса” нигоҳида
Мадриднинг “Реал” клуби ярим ҳимоячиси Сезар Хелаберт ёзда жамоасини ўзгаритириши мумкин.
19 ёшли плеймейкернинг ҳизматлари билан “Барселона” ва “Манчестер Юнайтед” клублари жиддий қизиқиб қолган. Бу ҳақида АS нашри маълум қилмоқда.
Эслатиб ўтамиз, Сезарнинг Мадрид клуби билан тузган шартномаси ёзда ўз якунига етади. Шу боис, футболчи тез орада “қаймоқранглилар” сафини эркин эгент мақомида тарк этиш ҳуқуқига эга.
Рабьо қоладими?
Турининг “Ювентус” жамоаси Адриен Рабьонинг келажаги борасида якуний қарорга келди.
“Tuttosport” нашри берган хабарларга кўра, “кўҳна сениора” 25 ёшли футболчини омадсиз мавсум ўтказганига қарамай жамоада олиб қолишга қарор қилди.
“Ювентус” ва франциялик ярим ҳимоячи ўртасидаги шартнома 2023-йилга қадар мўлжалланган бўлиб, Рабьонинг ўзи иккинчи имкон берилишини истамоқда.
Эслатиб ўтамиз, аввалроқ футболчи билан Лондоннинг “Челси” ва “Арсенал” клублари қизиқаётгани ҳақида хабарлар эълон қилинган эди.
“Тоттенҳем” ҳимоячи олмоқчи
Англиянинг “Тоттенҳем” клуби ёзда “Бенфика жамоаси ярим ҳимоячиси Рубен Диашни ўз сафига қўшиб олиши мумкин.
“TaemTalk” нашри берган хабарларга қараганда, ҳимоячининг ҳизматлари билан шахсан Жозе Моуриньонинг ўзи қизиқмоқда.
Португалиялик мураббийнинг фикрича, Невеш ёзда клубни тарк этиши кутилаётган Ян Вертонгеннинг босишга қодир.
“Бенфика” ўз ҳимоячисини 40 миллион евродан камига қўйиб юбормоқчи эмас. Шундай бўлсада, “шпорлар” ҳимоячини арзонроқ нархда қўлга киритишга уруниб кўради.
“Бавария” ва Сане сериали давом этади
Мюнҳеннинг “Бавария” клуби деярли 6 ойдан бери “Манчестер Сити” ҳужумчиси Лерой Саненинг трансферини амалга оширишга ҳаракат қилмоқда.
“MeNews” нашри берган хабарларга қараганда, “ФК Голливуд” Санени ўз сафига қўшиб олиш фикридан қайтмаган.
Шундай бўлсада, немис клуби футболчини қўлга киритиш учун корона-танаффуснинг якунланишини кутишга қарор қилди. Мюнҳен клуби Санени 60-70 миллион евро эвазига ҳарид қилишни режалаштирмоқда.
Эслатиб ўтамиз, “шахарликлар” германиялик футболчини 100 миллион евродан камига қўйиб юбормоқчи эмас.
Годин қоладими?
Миланнинг “Интер” клуби ўз ҳимоячиси Диего Годинни ёзда трансферга қўядиган бўлди.
Бу ҳақида “Calciomercato” нашри маълум қилмоқда. Манба берган хабарларга қараганда, Антонио Конте клуб раҳбарларига 34 ёшли ҳимоячининг ҳизматларига ортиқ эҳтиёж сезмаётганини маълум қилган.
Эслатиб ўтамиз, уругвайлик ҳимоячи бу мавсумда “А серия”нинг 16 та учрашувида майдонга тушди ва ўз ҳисобига битта ассист ёздириб қўйди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
