«Интер» ва Италия терма жамоаси собиқ ҳимоячиси Марко Матерацци собиқ жамоадоши Марио Балотелли билан қандай қилиб жанжаллашгани ҳақида сўзлар берди.
Ҳодиса 2010 йили "Интер" ҳамда "Барселона" жамоалари ўртасидаги учрашувдан сўнг, майдонни тарк этаётган Балотелли футболкасини майдонга улоқатирворганидан сўнг содир бўлган.
— Тўғри, мен уни урганман. Мен Мариони яхши кўраман, лекин у ўша кеча ҳақиқатдан ҳам калтак ейишга лойиқ эди. Энди биз у билан дўст бўлдик, ака-ука бўлдик десам ҳам бўлаверади, лекин у ўша куни қилиши мумкин бўлмаган ишни қилганди, — деди Матерацци.
— Ўйин якунига етганидан сўнг футболкани майдонга улоқтириш ёмон иш эмасди. Ўйиндан олдин у автобусда бизга бугун ёмон ўйнашини айтди. Шунинг учун мен у агар шундай қиладиган бўлса, ўз "насибаси"ни олишини айтдим. У майдонга тушганида жамоадошига пас узатадиган пайтда майдон марказидан туриб рақиб дарвозаси томон зарба йўллади. Диего Милито уни ўлдирмоқчи бўлди. Биз Мариога ишондик, у кўплаб голлар урди ва жамоамизга муҳим бўлган ғалабаларни келтирди, аммо, шундан бир ҳафта ўтгач, мен бош мураббийимиз Моуриньодан мени машғулотларга Балотеллига қарши қўйишини сўрадим. Бир неча сониялардан кейин мен уни кийиниш хонасига жўнатиб юборишимни айтдим.
— Менга унинг отаси жуда ёқар эди. «Рубин»га қарши Қозондаги учрашувдан сўнг отаси Мариога: «Менга сенинг ўйнинг ёқмади, сен жамоадошларинг билан бирга ўйнашинг керак эди. Қизлар билан юришни бас қил!»-деганди.
Италия терма жамоаси собиқ ҳимоячиси Матерацци Франция терма жамоаси собиқ футболчиси Зинедин Зидан билан боғлиқ бўлган ЖЧ-2006 финалидаги воқеани ҳам хотирлади.
— Францияликлар Зиданни ҳимоя қилишди, лекин мен ҳақиқий италияликлар деб ҳисобламайдиган жамоадошларим эса мени қўллаб-қувватлашмади. Мен ватанпарварман, ҳар доим Италия байроғини ҳимоя қиламан. Уларнинг танқидлари менга Жаҳон Чемпионатидан кейин салбий таъсир қилди. Ўша одамлар мен юрган ерни ўпишлари керак эди, улар финалда қандай ютганимни кўришганди"-деди жанжалкаш, ватанпарвар ҳимоячи.
Матерацци футболчилик фаолиятини 2011 йили тугатганди.У Италия терма жамоаси сафида 41 та учрашувда майдонга тушган.
Матнда хатолик топсангиз, ўша хатони белгилаб, бизга жўнатинг (Ctrl + Enter).