Англиянинг Манчестер шаҳри шарафини ҳимоя қилувчи клуб деганда, барчанинг ҳаёлига биринчи навбатда “Юнайтед” ва “Сити” келиши турган гап. Бу шаҳарнинг икки гранд клубидан ташқари, яна бир нечта жамоалар Манчестер шарафини ҳимоя қилишидан хабарингиз борми? Хўш улар қайси клублар? Бугун шу саволга қисқача жавоб бериб ўтамиз.
“Солфорд Сити”
Бу “Солфорд” сўнгги 30 йил давомида хатто кубок учрашувларида ҳам айтарли ютуқларга эришмагани боис, бу жамоа ҳақида кўпчилик эшитмаган ҳам бўлса, ажаб эмас. Айни дамда Англиянинг 5-двизионида тўп сураётган жамоа аксиялари Гари Невилл, Фил Невилл, Никки Батт, Пол Скоулз, Райан Гиггз ва Дэвид Бэкхэм сингари футболчиларда мавжуд. “класс 92” вакилларининг барчасида 10 фоиздан аксия бўлса, қолгани барчаси сингапурлик ишбилармон ва “Валенсия”нинг эгаси Питер Лимга тегишли. Жамоани шотландиялик мураббий Грем Александер бошқаривида секин-аста юқори дивизионлар сари одимламоқда. Клуб уй учрашувларини 5 минг мухлисга мўлжалланган «Мур Лейн» стадионида ўтказади.
“Рочдейл”
1907-йилда ташкил топган жамоа бугунги кунда 6 дивизионда ҳаракат қилмоқда. Жамоа ўз тарихидаги энг яхши натижани 1961/62-йилги мавсумда қайд этган бўлиб, унда “Рочдейл” Англия Лига кубоги финал учрашувида иштирок этган. Уй учрашувларини “Спотленд” аренасида 10 минг мухлис кўз ўнгида ўтказувчи клубнинг сўнгги йилларда омади келмаяпти десак, адашмаган бўламиз. Жамоани 2018-йилдан бери ёш ва иқтидорли мутахассис Брайн-Барри Мерфи бошқариб келмоқда.
“Бэри”
Англиянинг 3-дмвизионида жон сақлаб қолиш учун кураш олиб бораётган “Бери”нинг янада пастга қулаб кетиши тобора аниқлашиб бормоқда. Мусобақада 24-ўринда бораётган Манчестер шаҳри клуби “Гигг Лейн” стадионида уй учрашувларини ўтказишади. 12500 мухлис кўз ўнгида тўп сурувчи клуб бу мавсумда Чемпионшипга чиқиши таҳмин қилинган эди, бироқ якунда барчаси омадсиз якун топди. Ҳа айтганча, бу клуб 1885-йилда дунё юзини кўрган бўлиб, 1899/1900, 1902/03 йилларда Англия кубогида зафар қучишни уддалаган.
“Болтон Уондерерс”
Бугунги рўйхатимиздаги энг машхур клуб. Яқин ўтмишда АПЛнинг энг кучли ўртамиёна жамоаларидан бири бўлган клуб эндиликда “Чемпионшип”да жон сақлаш учун кураш олиб бормоқда.
Клуб 90 йилларда икки бор Англиядаги кубок финалларида ҳаракат қилган бўлсада, чемпионлик қўлга кирита олмаган. Ўз вақтида жамоада Иван Кампо, Жей-Жей Окоча сингари юлдузлар ҳаракат қилган.Эндиликда клубни Кит Ҳилл бошқариб бормоқда. Жамоа ўз уй учрашувларини “Юнверсити оф Болтон” ўйингоҳида ўтказади. Арена 30 минг мухлисга мўлжалланган бўлиб, Чемпионшипдаги энг замонавий стадионлардан бири саналади.
“Уиган Атлетик”
Бугунги рўйхатимиздаги яна бир номдор клуб. Бугунги кунда “Уиган” АПЛдан жуда узоқлашиб кетгани йўқ. Жамоа бир неча йиллардан бери Чемпионшипда муносиб иштирок этиб келмоқда. Юси Яскелайнен, Джулиус Агахова сингари ижрочилар ҳаракат қилган клуб бундан бир неча йиллар илгари Роберто Мартинес қўл остида яхшигина шов-шув кўтаргани кўпчиликнинг ёдидан кўтарилмган бўлса,ажаб эмас. “Ди Дабл Ю” стадиони жамоанинг қўрғони саналади. Ўз бағрига 25 минг мухлисни сиғдиришга қодир ўйингоҳ яқин 5 йил ичида АПЛ учрашувларини қабул қилиши мумкин. Гап шундаки, тез орада клуб янги хўжайинлар қўлига ўтиши борасида Британия нашрлари маълум қилмоқда.
“Олдэм Атлетик”
Чемпионшипдан кейинги даражадаги дивизионда кураш олиб бораётган яна бир Манчестер шаҳри клуби. Ўз уй учрашувларини 13 минг мухлисга мўлжалланган “Бундари Парк”да ўтказади. Мазкур жамоага Дино Мамрия бош мураббийлик қилмоқда. Жамоа узоқ ўтмишда нақд тўрт бор кубок баҳсларининг ярим финалларига қадар етиб келган бўлсада, айтарли ҳеч қандай ютуқни қўлга киритганича йўқ.
“Стокпорт Каунти”
Англиянинг 6-дивизионида тўп сурувчи жамоа ҳақида кўпчилик эшитмаган ҳам бўлса, ажаб эмас. Жим Геннон бошчилигида энг қуйи лигада ҳам жон сақлаб қолиш учун ҳаракат қилаётган жамоа 10 минг мухлисга мўлжалланган “Энжли Парк”да ўз уй учрашувларини ўтказиб келмоқда. Клуб сўнгги 50 йил давомида бирорта мусобақада муваффақиятли иштирок этганича йўқ.
“Олдтрингем”
Англиянинг 6-дивизионида тўп сураётган яна бир жамоа. Фил Паркинсон бошчилигидаги клуб айни дамда “Мост Лейн” стадионида 6 минг мухлис кўз олдида уй учрашувларини ўтказиб келмоқда.
“Хайд Юнайтед”, “Дройлсдэн” ва “Аштон Юнайтед” сингари жамоалар ҳам Манчестер шаҳри шарафини ҳимоя қилиб келмоқда, бироқ бу жамоалар ярим профессионал бўлгани боис уларга алоҳида тўхталиб ўтмадик.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
