Stadion.uzзамонавий футболдаги энг жанжалкаш ва қизил карточка “ишқибозлари”дан ташкил топган рамзий жамоани эътиборингизга ҳавола этади.
Винни Жонс, Рой Кин сингари яқин ўтмишдаги жанжалкаш йигитлар ўрнини бугунги кунда “муносиб” давомчилари эгаллаб боришмоқда десак, адашмаган бўламиз. Бугун transfermarktпортали томонидан берилган маълумотларга суянган ҳолда энг қўпол йигитлардан ташкил топган рамзий жамоани эътиборинга ҳавола этамиз.
Дарвозабон
Йенс Леман — 7 та қизил карточка
“Арсенал”нинг собиқ дарвозабони ўзининг қизиққонлиги ва майдондаги ноодатий қарорлари билан барчамизнинг ёдимизда қолган. У “Боруссия Дортмунд” сафидаёқ қизиққонлигини барчага исботлаб бўлган эди. Айнан у бугунги кунда қадар Дортмунд клуби тарихидаги энг кўп четлатилган дарвозабон саналади.
Ҳимоячилар
Серхио Рамос — 26 та қизил карточка
Бугунги рўйхатимиздаги бирорта футболчи Серхио билан карточкалар борасида баҳслаша олмайди. “Эл-капитано” Ла Лига тарихида энг кўп карточка олган футболчи (187) эканлигидан хабарингиз бор. Чемпионлар лигаси учрашувларида ҳам унга тенг келадигани йўқ. Нақд 40 бор огоҳлантирилишига қарамай, айнан Рамос ЕЧЛ тарихидаги энг яхши футболчилардан бири саналади.
Пепе — 12 та қизил карточка
Ажабланарлиси шундаки, Пепе ўзининг қўполлиги билан ҳужумчиларни доимо босим остида ушлаб турганига қарамай, атиги 12 бор қизил карточкага лойиқ кўрилган,холос. Ваҳоланки, Пепе бир неча бор қўполлиги учун дисклификацияга учраган.
Марко Матерацци — 15 та қизил карточка
Марко Зиданни қизил карточка олишга мажбур қилиш орқали футбол тарихида абадий қолишга муваффақ бўлди. Жамоадошлари “Антифутболчи” деб “эркалаш”ларига ўрганиб кетган ҳимоячи футбол оламида қўлга киритиш мумкин бўлган деярли барча совринлар эгаси саналади.
Патрис Эвра — 15 та қизил карточка
Ҳайратланарлиси шундаки, Эвра ўзининг қувноқлиги билан кийиниш хонасидаги кайфиятни таъминлаб бериши орқали барчага таниш. Шундай бўлсада, Эвра Европа Лигаси учрашуви бошланмай туриб қизил карточка олишга улгурган ягона футболчи саналади. Унинг ўз мухлисига оёқ билан қандай зарба йўллагани ҳақидаку гапирмаса ҳам бўлади.
Ярим ҳимоячилар
Даниеле Де Росси — 15 та қизил карточка
“Рома” етакчиси ҳакамлар билан ҳеч қачон тил топиша олмаганини бир неча бор тан олган. Унинг айтишича, у олган барча қизил карточкалар ҳаққоний. Шундай бўлсада, Де Росси 2006-йилда бўлиб ўтган ЖЧда АҚШга қарши учрашувда тирсагини ишга солгани учун ФИФА унга қолган 4 та ўйинда иштирок этиш ҳуқуқидан маҳрум қилган эди.
Эдгар Давидс — 25 та қизил карточка
Луи ван Гал уни бежизга “питбулл” деб атамаган. Голландиялик футболчи доимо агрессив, тажовузкор ва жуда қўпол футбол намойиш этиши билан ном қозонган. Футболчилик фаолиятини 39 ёшгача давом эттирган футболчи бирорта клубда захира футболчиси бўлиб қолмагани эътиборга молик.
Франческо Тотти — 16 та қизил карточка
Бугунги рўйхатимиздаги учинчи, бироқ сўнгги бўлмаган яна бир италиялик футболчи. Тотти ҳеч қачон курашдан қочмайдиган камсонли мегаюлдузлардан бири эди. 22 йиллик фаолиятининг биринчи ярмида футболчи 12 бор огоҳлантирилган бўлса, кейинчалик Тотти анча ўзини босиб олди ва 10 йил давомида “атиги” 4 бор майдонни қолганлардан эрта тарк этди.
Зайниддин Зидан — 14 та қизил карточка
Зидан фаолиятининг энг сўнгги учрашувида "ҳакаминггаям, стадионинггаям", дедида, қизил карточка олганча майдонни тарк этди. Бу воқеа 2006 йилги жаҳон чемпионатининг финалида (!) рўй берганини ёддан чиқармаган бўлсангиз керак?! Франциялик футболчи ушбу рамзий жамоадан ўрин олган Матераццининг кўкрагини бош билан аниқ "мўлжал"га олиб, Маркони ағдарганини биласиз. Зидан ажойиб техника ва ўйин намойиш қилган қилганига қарамай, 14 марта ўз жамоасини қийин аҳволга солиб қўйган. Аммо карточкалар унинг нуфузига заррача соя солмаган.
Ҳужумчилар
Златан Ибраҳимович — 13 та қизил карточка
Златан майдонда ҳам барчадан ҳурмат талаб қилиши сабабли кўпинча кўнгилсиз ҳолатларга тушиб қолади. У “Бари” футболчисининг қорнига мушт тушириши, МЛСда уни менсимаган футболчини бошига тушириши мумкин. Қизил карточка олса нима бўлибти? Ахир у Ибра! У айнан мана шу характери билан мухлислар ёқимтойига айланганку!
Марио Балотелли — 13 та қизил карточка
Абадий жанжалкаш номинациясини 10 йилдан бери ҳеч кимга бермай келаётган футболчини бу рўйхатга жойлаштирмасликнинг иложи йўқ эди. Балотелли «Милан», «Интер», «Марсел», «Манчестер Сит», «Ницца» ва хатто Италия терма жамоасида ҳам қизил карточка олишга муваффақ бўлган кам сонли футболчилардан бири. Унинг қизил карточкалар сабабли тўлаган товон пули 1 миллион фунт стерлингдан ортиб кетди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
