Stadion.uz Россиянинг “Краснодар” клуби тарихидаги энг катта даромад келтирган трансферлар бешлиги билан таништириб ўтади.
5-ўрин Игор Смольников “Зенит”га (6 миллион евро)
Россия терма жамоасининг ўнг қанот ҳимоячиси “Краснодар”да атиги бир мавсум тўп сурганига қарамай, 31 та учрашувда майдонга тушишга муваффақ бўлди. Ундаги ўсишни кузатган “Зенит” ҳимоячи учун 6 миллион еврони аяб ўтирмади. Игор 7 мавсумдан бери “Зенит” шарафини ҳимоя қилиб келмоқда. Рус нашрлари берган хабарларга қараганда, ёзда футболчи ва клуб ўртасидаги шартнома ўз якунига етади ва Смольников эркин агентга айланади.
4-ўрин. Иван Игнатьев “Рубин”га (7 миллион евро)
Ҳужумчи клуб академияси тарбияланувчиси саналади. Унинг Россия ёшлар терма жамоасидаги ўйинлари орқали барча мухлислар яхши таниб олган бўлсада, Иван “Краснодар” мураббийларлари билан сира чиқишиб кета олмади. Тинимсиз жанжаллар, маош борасидаги келишмовчиликлардан чарчаган клуб келажаги порлоқ ҳужумчини қишда “Рубин”га сотиб юборишга қарор қилди. Афсуски, Игнатьевнинг характери “Рубин”да ҳам панд беришни бошлади. Қаҳрамонимиз ҳозирча Қозон шахри жамоасида атиги 3 бор майдонга тушди холос.
3-ўрин. Одил Аҳмедов “Шанхай СИПГ”га (7 миллион евро)
Ўзбекистон терма жамоаси сардори Одил Аҳмедов “Краснодар” сафида иккита тўлиқ мавсум ўтказишга муваффақ бўлди. Ўша мавсумалардан бирида хатто клуб уни йилнинг энг яхши футболчиси деб эътироф ҳам этди. “Буқалар” сафида 101 та ўйинда иштирок этган ўзбекистонлик футболчи 14 та ассист ва 7 та голни ўз ҳисобига ёздириб қўйган. Айнида, дамда Аҳмедов фаолиятини Хитойда давом эттирмоқда. Маълумотларга қараганда, унинг бугунги кундаги маоши Краснодардагига нисбатан анча яхши. Шунингдек, Одил ҳали-ҳамон Ўзбекистон терма жамоаси аъзоси саналади.
2-ўрин.Юра Мовсесиян (“Спартак”ка 7,5 миллион евро)
“Краснодар”да тўлиқ икки мавсум ўтказган арманистонлик ҳужумчининг трансфер қиймати ҳам кескин кўтарилиб кетди. 51 та учрашувда 23 та гол( ва яна 10 та ассист) киритган ҳужумчини кўп ўтмай “Спартак” ўз томонига оғдириб олди. Тан олиш лозим, Юра Москвада ҳам ўзини йўқотиб қўйгани йўқ. Кейинчалик фаолиятини МЛСда давом эттириш мақсадида АҚШга жўнаб кетган футболчи бугунги кунда эркин агент мақомида.
1-ўрин. Фёдор Смолов “Локомотив”га (9 миллион евро)
Фёдор “Динамо”даги омадсиз мавсумдан сўнг, “Краснодар”да чинакамига янги қирраларини намойиш этишга тушиб кетди. Смолов “Краснодар” сафида 3 та ажойиб мавсумларни ўтказди. Аҳмедов сингари 101 та ўйинда майдонга тушган ҳужумчи 64 та гол ва 20 та ассистни ўз ҳисобига ёздириб қўйди. Фантастик мавсумлардан сўнг, Пойтахтнинг “Локомотив” клуби Смолов учун 9 миллион евро таклиф қилди ва уни ўз сафига қўшиб олди. Афсуски, 2016-2018-йилларда РФС томонидан йилнинг энг яхши футболчиси деб эътироф қилинган ҳужумчининг ўйинида кескин пасайиш кузатилди. Оқибатда, клуб уни “Сельта”га ижарага бериб юборди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
