Хайрулла Ҳамидов мақоласи: Охирги эртак
Еттинчи майни "Ливерпуль" мухлислари ўз кунлари деб эълон қилиб олаверишсин. Клуб ўтган йилнинг шу санасида мисли кўрилмаган камбэкни амалга ошириб, 2005 йилги ЕЧЛ финалидаги ўзларининг рекордини-да йўққа чиқаришди.
"Камп Ноу"да 0:3 ҳисоби қайд этилгач, "Ливерпуль" клубининг камбэкига кўпчилик ишонмаганди. Чунки "Барселона" меҳмонда ўз голини уради барибир дегувчилар кўп эди, шунингдек, Каталония клуби 2018 йили Ромага бой берилган аламли мағлубиятнинг такрорини амалга оширмайди дейишганди. Аммо кўр ҳассасини икки марта йўқотмаса-да, Вальверде бошчилигидаги каталонияликлар шу ишнинг такрорини эплашди. Даҳшатли суратда.
Шу куни "Ливерпуль" жамоасига Салаҳ ёрдам бера олмагани ва унинг ўрнида ўйнаган Дивок Ориги ўйин тақдирини ҳал қилганини билганимиз заҳоти, Клоппнинг топқирлигига ва вазиятдан чиқиб кета олишига амин бўламиз. Фирмино ҳам йўқ эди ўша кун. Шу ҳолида "Ливерпуль" тўрт гол уриб ўз дарвозаси даҳлсизлигини таъминлаши лозим эди.
Энфилд шу куни ўн иккинчи ўйинчи бўлди. Биринчи бўлимда бир гол йўллаган майдон эгалари танаффусдан сўнг 2005 йилги қаҳрамонликни кўрсатишди. Айниқса, Юрген Клоппнинг Робертсонни майдондан олиши ва ўрнига Вейналдумни тушириши кўп нарсани ҳал қилиб берди. Голланд дубль муаллифи бўлиб карахт аҳволдаги Барсанинг ҳолини янада қийинлаштирди.
Охиридаги ғалаба голи музейларга сақлангувчи нодир асар бўлди. Трент Александр Арнольднинг бурчак узатмаси ва каталонияликларнинг ҳимояси ухлаб қолгани – шу кунги ўйиннинг рамзий ифодасига айланди. 4:0 – Энфилд Месси ва унинг дўстларини ҳеч қачон эсдан чиқмайдиган тарзда мағлуб этдилар.
Табиийки, бу қадар оламшумул муваффақиятга эришган Клопп финалда ватандошларини ўйнаб-кулиб енгиши тахмин қилинди. Шундай бўлди ҳам. Еттинчи май оқшомидан сўнг мерсисайдликлар мағлубият сўзини луғатларидан олиб ташлагандилар.
Хайрулла Ҳамидов мақоласи.
Манба: @xayrulla_hamidov
Киритилди: 10:01, 07.05.2020. Ўқилди: 5136 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
