Осиё Олимпия Кенгаши раҳбариятида ўзгариш
Осиё Олимпия Кенгаши (ООК) президенти шайх Аҳмад ал-Фаҳад ас-Сабоҳ ташкилотнинг янги вице-президентини эълон қилди. Шайх Аҳмад ООКнинг Ижроия қўмитаси аъзолари ва қитъадаги 45 та Миллий Олимпия қўмиталарига ташкилотнинг фармойиши маълум қилди:
“Сизларга ООК Конституцияси қоидаларига мувофиқ Таиланд Миллий Олимпия қўмитасининг вице-президенти, Жанг санъати ва ёпиқ иншоотлардаги Осиё ўйинлари буюртмалар кичик қўмитасининг раиси Дато Сери Чайяпак Сириват Осиё олимпия кенгашининг вице-президенти этиб тайинланганлигини маълум қилиш мен учун ёқимлидир”.
Эслатиб ўтамиз, ўтган ойда ООК Таиланднинг Бангкокда ва Чонбури шаҳарларида 6- Жанг санъати ва ёпиқ иншоотлардаги Осиё ўйинларини (AIMAG) ўтказиш тўғрисида мезбонлар билан шартнома имзоланган ва бу Ўйинлар 2021 йил 21-30 майда бўлиб ўтиши белгиланган.
Дато Сери Чаяпак Сириват, шунингдек, Таиланд Хоккей ассоциясининг президенти ва Осиё хоккей федерациясининг вице-президентидир. Осиё хоккей федерацияси уни ООК вице-президенти этиб тайинланиши муносабати билан табриклади.
Манба: olympic.uz
Киритилди: 12:05, 25.05.2020. Ўқилди: 2401 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар