Рамос — Ла лига ҳимоячилари орасида энг яхши тўпурарга айланди
Испания чемпионатининг 30-тури доирасида бўлиб ўтган учрашувда «Реал» ҳимоячиси Серхио Рамос «Реал Сосьедад» дарвозасини пенальтидан ишғол қилди.
«Қироллик клуби» сардори учун бу Ла лига доирасидаги 68-гол бўлди. Рамос ушбу натижа орқали ҳимоячилар орасида Испания чемпионатидаги голлар сони бўйича рекордчига айланди. У «Барселона» клуби собиқ ҳимоячиси Рональд Куманни ортда қолдирди. Нидерландиялик футболчи ўз голларининг 46тасини пенальтидан урган бўлса, Серхио эса 12 марта пенальтидан унумли фойдаланган.
Бу борада учинчи ўринни «Реал» клуби собиқ сардори Фернандо Йерро эгаллаган. Испаниялик футболчи фаолияти давомида аслида 105та тўп киритган. Аммо у голларининг бир қисмини ярим ҳимояда ўйнаган пайтда урган. Испания матбуоти тарқатган хабарга кўра, Йерро ҳимоячи сифатида 51та гол урган (19таси пенальтидан).
Манба: sport24.ru
Киритилди: 10:32, 22.06.2020. Ўқилди: 4928 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар