Сиз "Лацио"ни кузатаяпсизми?
Бундай савол билан бошлаганим бежиз эмас. Ахир, “Лацио” алоҳида кузатиладиган, миллионлаб мухлисларга эга клуб эмас Ўзбекисонда. Ёши катталар орасида унинг ўйинига бефарқ бўлмаганлар топилади, албатта. Асрлар алмашинувида бу клуб Италида биринчилар қаторида эди. 99/00 йилдаги чемпионлик таркиби ҳақиқатдан кучли эди. Яқин-яқингача ўзим Англия терма жамоасидаги фаолияти билан таниб бошлаган Свен-Ёран Эрикссон айнан нима хизматлари учун болалигим давридаги энг баобрў мураббийларидан бири эканини билмасдим. Айнан швед Римда ўша замон кичик ЖЧ деб таърифланадиган Италия чемпионатини ютолган жамоани шакллантирганди.
Дарвозабон: Лука Маркеджани
Ҳимоячилар: Паоло Негро, Алессандро Неста, Синиша Михайлович, Джезеппо Панкаро
Ярим ҳимоячилар: Диего Симеоне, Хуан Себасьян Верон, Сержио Консейсау, Павел Недвед
Ҳужумчилар: Марсело Салас
Бу таркибдаги бирини атайин тушуриб қолдирдимки, у ҳақда қуйида гаплашамиз. Чунки, у билан нафақат “Лацио”нинг сўнгги олтин даври ва балки, бўлажак олтин даври ҳам боғлиқ бўлар.
Симоне Индзаги
Футболчи сифатида ака-ука Индзагилар орасида катта эҳтимол Филиппо кўпроқ машҳур. У ажойиб ҳужумчи эди. Бунақасини ҳозир ҳам топиш қийин. Аммо, мураббийлик борасида ҳозир Симоне акасидан кўра баландроқ мавқеда. “Пипогол” бугунги иш жойи бўлган “Беневенто” билан А серияга чиқаётган бир пайтда, укаси бу ерда “Ювентус” гегемонлигига нуқта қўйишга уриниб келмоқда. Ҳа, рестартдан кейин, айниқса “Аталанта”га қарши ўйиндан сўнг, бунинг уcтига “Юве”нинг ўта ишончли ҳаракатларини кўриб бу уриниш бекор кетадигандек туюлмоқда. Ўзим ҳам шундай фикрда эдим. Бироқ, ўтган турда “Фиорентина”га қарши илк голни ўтказиб, кейин камбэк қилган “Лацио” нега энди ҳали 10 тур (!) учрашувлари бор чемпионатда уриниб кўрмасин. Ҳали имкон бор.
Симоне ҳужумни севувчи жамоа шакллантирган. Унинг ва Эриксоннинг “Лацио”си фарқли менимча. Бу мавсумда 28 ўйинда рақиблар дарвозасини 64 бор ишғол қилган римликлар бу борада умуман ўзга сайёра вакилларидек ўзини тутаётган “Аталанта”дан сўнг иккинчи натижага эгалар. Энг муҳими ва бугун “Лацио”нинг айтайлик ўша “Аталанта”дан юқорироқда боришига сабаб, бу чизиқлардаги мувозанат. Яъни, аъло ҳужум, яхши марказ ва нормал ҳимоя. Ҳеч қайси нуқта кескин оқсамайди Индзаги клубида.
Иммобиле эса шу кетишда клуб тарихидаги энг яхши тўпурарлар рўйҳатининг бешлигига жорий мавсумдаёқ киради. Чемпионатда у бу сафар 28 ўйинда 28 гол уриб якка пешқадам тўпурарлар баҳсида.
Бугун шу “Лацио” “Тарино”га қарши ўйин ўтказади. Сафарда. Бу бир репититция. 20 июль куни Италияда кўп эҳтимол чемпионлик ўйини бўлиб ўтади – “Ювентус”-“Лацио”. Ундан аввал эса бу шаҳарни ўрганиш, “разведка” ишларини олиб бориш ва албатта ҳавосини ҳис қилиб олиш керак. Бир ҳис қиламиз!
Футбол ТВ
Соат 22:30
“Торино”-“Лацио”
Ориф Толипов
Матнда хатолик топсангиз, ўша хатони белгилаб, бизга жўнатинг (Ctrl + Enter).
ОКМК
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
