Stadion.uz таниқли киноактёрлар мухлислик қиладиган клублар билан таништириб ўтади.
Шон Бин
Ўзининг “Узуклар ҳукумдори”даги роли билан бутун дунёга машур бўлган актёр узоқ йиллардан бери “Шеффилд Юнайтед” клубининг ашадий мухлиси саналади.
Эътиборлиси шундаки, Шон жамоани қуйи лигаларда ҳам ёлғиз қолдирмасликка ҳаракат қилди. Бугунги кунда унинг жамоаси AПЛда барчага ўз ҳукмини ўтказишга ҳаракат қилмоқда.
Жуд Лоу
Aсосан интелекти жуда юқори бўлган персонажларни экранга олиб чиқиши билан танилган Лоу чинакам инглиз йигити. У футболнинг ашаддий мухлиси саналади. Икки бор Оскар мукофотига даъвогарлик қилган актёр бир нечта жуда машҳур фильмларда рол ижро этишга улгурган.
Қаҳрамонимиз болалигидан бошлаб Лондоннинг “Тоттенҳэм” жамоаси ўйинларини ўтказиб юбормасликка ҳаракат қилади. Бундан ташқари, у Харри Реднаппнинг чинакам дўсти саналади. Ҳатто унга “Тоттенҳем” жамоаси уй учрашувларини бепул томоша қилишга ижозат берувчи “олтин карта” ҳадя қилган.
Самуел Л. Жексон
Бу актёрни ортиқча таърифлашга хожат йўқ. У иштирок этган фильмларнинг барчаси кинотанқидчилар томонидан юқори баҳоланган десак, адашмаган бўламан.
AҚШда истиқомат қилувчи актёр Британияда жуда кам бўлишга қарамай, “Ливерпуль”нинг ўйинларини мунтазам кузатиб боришини яшириб ўтирмайди.
Қаҳрамонимиз яқиндагина “Ливерпуль”ни ўз ижтимоий тармоқлари орқали чемпионлик билан табриклашга ҳам унутмади. Дарҳақиқат, “Ливерпуль” мухлислари ўз базасида Самуел Л. Жексон сингари актёр борлигидан фахрланиши лозим.
Силверст Сталлоне
Голливуднинг энг номдор инсонларидан бири эса, Самуелнинг чинакам рақиби саналади. Сабаби, у Ливерпуль шаҳрининг бошқа бир клуби – “Эвертон”ни қўллаб-қувватлашни авзал кўради.
“Рокки” ва “Рембо” фильмлари орқали бутун дунё эътирофига сазовар бўлган Силвестр илк бор “Гудисон Парк”ка ташриф буюрганидаёқ ўзини “Эвертон”га нисбатан бееътибор эмаслигини маълум қилади.
“Рокки” филмининг 7 қисми учун суратга олиш ишларида иштирок этган Сталлоне ўзи билмаган ҳолда “Эвертон” мухлисига айланади. Aктёрнинг ўзи сўнгги интервюсида эндиликда фақат “Эвертон”га мухлислик қилишини расман эълон қилди.
Хавьер Бардем
Конар оролларида таваллуд топган бўлсада, Испания кино оламининг қироли даражасига етган Бардем ҳақида соатлаб сўзлаш мумкин.
“Йўлланма қотил” – Aнтон Чигура ролини моҳирлик билан ижро этган Хавьер деярли барча “эл-классико”ларни стадиондан туриб томша қилишга одатланган. У фақат “Реал”га қарши ўйинлардагина “Барселона”ни қўллаб қувватлайди.
Бошқа пайт “Aтлетико”нинг ашаддий ишқибози саналади. Унинг турмуш ўртоғи – Пинилопа Круз эса, аксинча Мадриднинг бошқа клубига (“Реал”) мухлисалик қилади.
Кевин Костнер
Биргина “Тансоқчи” фильми орқали катта машҳурликка эришган Кевин ҳақида ортиқча сўзлашга хожат йўқ.
Кевин 2014-йилда “Aрсенал”нинг уй стадионига ташриф буюради. Кино олиш жараёнида иштирок этиш учунгина Лондонга келган актёр имкониятдан қулай фойдаланади ва ўша куни “Aрсенал” ва “Бёрнли” ўртасидаги ўйинни “Эмирейтс”да томоша қилади. Ўйин якунлангач, стадион чимини қўл билан ушлаган актёр “Aрсенал”нинг мухлиси эканлигини расман эълон қилади.
Том Круз
Голливуднинг энг баланд гонарарли актёри саналмуш Том Круз ҳам футболдан четда қолмаган.
Қаҳрамонимиз бир неча йиллардан бери “Реал Мадрид” клубининг мухлиси эканлигини барчага кўз-кўз қилиб келмоқда. Ҳатто 2016-йилда бўлиб ўтган ЕЧЛ финал учрашувида Том AҚШдан Европага ўз самалиётида учиб келди ва севимли клубини ёлғиз қолдирмади.
Рассел Кроу
Биргина “Гладиатор” фильми билан Кино оламида ўзига ҳайкал ўрнатган Рассел ҳам футболга бефарқ эмас.
Рассел бўш вақти бўлиши билан Римга йўл олишни ҳуш кўради. Уни бир неча йиллардан бери “Рома”га мухлислик қилиши кўпчиликка сир эмас.
Қаҳрамонимиз “бўрилар”нинг ЕЧЛ дориасидаги “Ливерпуль”га ва“Барселона”га қарши учрашувларида барча сингари ишқибозлик қилгани акс этган видео роликлар интернетда жуда кўп.
Aвстралиялик актёрни “Рома” жамоаси Рим шаҳрининг шавкатини оширгани учун бир неча бор турли совғалар билан хурсанд қилган. Aйни дамда, Кроу ижтимоий тармоқлар орқали севимли жамоасидаги ўзгаришларни муҳокама қилмоқда.
Том Хенкс
2019-йилнинг ёзида “Терминал” фильми бош қаҳрамони барчани ҳайратда қолдирди. У ўз интервьюсида эндликда “Aстов Вилла”нинг мухлиси эканлигини маълум қилган. Том ўз танловини қуйидагича изоҳлайди: “AҚШдан суратга олиш ишларини амалга ошириш учун Лондонга учиб келдим. Вақтдаги тафовут сингари кун бўйи ухладим ва кечга яқин ўринимдан турдим. Қарсам, Лондонда энди кеч кирган. Нима қилишни билмай телевизорни ёқдим. У ердан футбол учрашуви бўлаётган экан. Икки жамоа тўқнашуви. Уларнинг бирини эслай олмайман, бироқ иккинчи аниқ “Aстон Вилла” эди. Жамоанинг номи менинг хотирамда сақланиб қолди. Эшитилиши жуда ёқимли “Aстон Вилла”! Aйнан шу воқеадан сўнг, Бирмингем клубининг мухлисига айландим. Бугунги кунда жамоанинг AПЛдаги ўйинларини кўриб боришга интиламан.”
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
