Stadion.uz футбол оламида энг кўп гол киритган Пеле ва унинг рекодини янгиламоқчи бўлаётган Роналду ҳақида фикр алмашади. Ушбу мақола футболшунос олим Танкреди Палмерининг маълумотларига асосан тайёрланди.
Дам олиш кунлари бўлиб ўтган учрашувларда Роналду “Сампдориа” дарвозасини ишғол қилди ва ўз фаолиятидаги 735-голини киритди. У шу тариқа афсонавий Ромариодан (734) ўзиб кетишга муваффақ бўлди.
Шунга қарамай, олдинда улкан бир тўсиқ – Пеле бор. Aфсонавий футбол қироли 767 бор рақиб дарвозаларини ишғол қилишга муваффақ бўлган.
Ушбу рекорднинг янгиланишига Жорже Мендеш сира шубҳа қилмаяпти.
“Мен Роналдунинг Пелени қувиб ўтишига ва футбол тарихидаги энг яхши тўпурарга айланишига шубҳа қилмаяпман. У бу ишни “Ювентус” жамоасидаёқ амалга оширади.”
Тўғри, бу сўзлар Кришнинг Туринга кўчиб ўтган йили янграган эди, бироқ секин-аста Мендешнинг тахмини ўзини оқламоқда. Эндиликда, Роналду Пелени қувиб ўтиши учун 33 та гол зарур. Бу келаси мавсумда Роналду учун фантастик мотивация бериши турган гап. Бундан ташқари, ҳали ЕЧЛ учрашувлари олдинда бизни кутмоқда. Боз устига, келаси мавсумда Роналду Европа чемпионатида ҳам иштирок этади.
Тўғри, йиллар ўз сўзини айтади, бироқ Криш ўз ритмида давом этса ҳаммасига ўз ўрнига тушади. Қаҳрмонимиз келаси мавсумни жароҳатсиз ўтказса, Пеле футбол тахтидан тушишга мажбур бўлади. Aйни дамда, Роналдунинг режасини барбод қилиш фақат Мессининг қўлидан келади.
Aргентиналик футболчи ҳисобида аллақачон 716 та гол мавжуд. У бугунгу кунда энг кўп гол киритганлар орасида 5-ўринда бормоқда. Ундан олдинроқда 720 та гол билан Герд Мюллер бор. Тўғри, яқин орада Месси Роналдуни қувиб ўта олмайди. Шунга қарамай, Лео Кришдан икки ёш кичик. Бу захирада минимум икки мавсум бор дегани. Роналду ушбу рекорд унда узоқ муддат қолишини истаса, албатта бутсаларини михга илгунига қадар темпни туширмаслиги лозим.
П.С Шу ўринда, ушбу рўйхатнинг турли вариантлари мавжу эканлигини айтиб ўтиш жоиз. Aйрим нашрларда футболчиларнинг ёшлар жамоасида урган голлари ҳам инобатга олинган бўлса, баъзилар пеналтилар сериясида урилган голни қўшиб ҳисоблаган. Шу саббали, энг ишончли манба сифатида тан олинган Танкреди Палмерининг ўлчови танлаб олинди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
