«Уэмбли» стадионида Англия кубогининг финал учрашуви бўлиб ўтди. «Арсенал» ва «Челси» клублари ўртасидаги ўйинда Микель Артета жамоаси иродали ғалабани қўлга киритди.
Баҳснинг 5-дақиқасидаёқ ҳисоб очилди. Лэмпард шогирдлари амалга оширган комбинация ўз самарасини берди. Жиру товони билан узатма берган узатмани Пулишич осонлик билан дарвозага жойлаб қўйди.
Учрашувнинг 26-дақиқасида Николя Пепе жарима майдони ташқарисидан ажойиб зарба билан дарвозани ишғол қилган эди. Аммо бироз аввал офсайд қайд этилгани учун гол бекор қилинди. Орадан 3 дақиқа ўтиб эса "Челси" дарвозаси томон пенальти белгиланди. Аспиликуэта ўз жарима майдони ичида Обамеянгни қўли билан тортиб йиқитди. Пьер-Эмерик 11 метрли жарима зарбасини ишонч билан тепиб, ҳисобни тенглаштирди.
Иккинчи бўлимда ташаббус "Челси" томонига ўтган эди. Аммо амалга оширилган қарши ҳужум натижасида "канонирлар" дарвозани забт этишди. Эктор Бельерин ҳужумга асос солди ҳамда Пепенинг узатмасидан кейин Обамеянг тўпни эгаллаб, бир ҳимоячини алдаб ўтди ва тўпни дарвозабоннинг устидан ошириб, дарвозани ишғол қилди.
Баҳснинг 73-дақиқасида ҳакамнинг хатоси туфайли Матео Ковачич майдондан четлатилди. Рефери "Арсенал" футболчисининг симуляциясига учди ва сербиялик футболчига иккинчи сариқ карточкани кўрсатди.
Лэмпард шогирдлари камчиликда ўйнаганига қарамай, вазиятни ўнглашга ҳаракат қилишди. Иккинчи бўлимга қўшиб берилган 12 дақиқа ҳам етарли бўлмади.
Натижада "Арсенал" Англия кубогини қўлга киритиб, Европа лигаси йўлланмасига ҳам эга бўлди.
Англия кубоги, Финал
Арсенал – Челси 2:1 (1:1, 1:0)
Голлар: 0:1 – 5 Пулишич, 1:1 – 28, пенальти Обамеянг, 2:1 – 67 Обамеянг.
Арсенал – Мартинес, Бельерин, Холдинг, Тирни (Колашинац, 90), Мэйтленд-Найлз, Жака, Себальос, Пепе, Давид Луиз (Папастатопулос, 88), Обамеянг, Ляказетт (Нкетиа, 82).
Челси – Кабальеро, Алонсо, Зума, Аспиликуэта (Кристенсен, 35), Джеймс, Пулишич (Педро, 49), Ковачич, Маунт (Баркли, 78), Жоржиньо, Рюдигер (Хадсон-Одои, 78), Жиру (Абрахам, 78).
Огоҳлантиришлар: Ковачич (14), Аспиликуэта (26), Маунт (45), Себальос (73), Рюдигер (75), Баркли (89).
Четлатиш: Ковачич (73).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
