«Uembli» stadionida Angliya kubogining final uchrashuvi bo‘lib o‘tdi. «Arsenal» va «Chelsi» klublari o‘rtasidagi o‘yinda Mikel Arteta jamoasi irodali g‘alabani qo‘lga kiritdi.
Bahsning 5-daqiqasidayoq hisob ochildi. Lempard shogirdlari amalga oshirgan kombinasiya o‘z samarasini berdi. Jiru tovoni bilan uzatma bergan uzatmani Pulishich osonlik bilan darvozaga joylab qo‘ydi.
Uchrashuvning 26-daqiqasida Nikolya Pepe jarima maydoni tashqarisidan ajoyib zarba bilan darvozani ishg‘ol qilgan edi. Ammo biroz avval ofsayd qayd etilgani uchun gol bekor qilindi. Oradan 3 daqiqa o‘tib esa "Chelsi" darvozasi tomon penalti belgilandi. Aspilikueta o‘z jarima maydoni ichida Obameyangni qo‘li bilan tortib yiqitdi. Pyer-Emerik 11 metrli jarima zarbasini ishonch bilan tepib, hisobni tenglashtirdi.
Ikkinchi bo‘limda tashabbus "Chelsi" tomoniga o‘tgan edi. Ammo amalga oshirilgan qarshi hujum natijasida "kanonirlar" darvozani zabt etishdi. Ektor Belyerin hujumga asos soldi hamda Pepening uzatmasidan keyin Obameyang to‘pni egallab, bir himoyachini aldab o‘tdi va to‘pni darvozabonning ustidan oshirib, darvozani ishg‘ol qildi.
Bahsning 73-daqiqasida hakamning xatosi tufayli Mateo Kovachich maydondan chetlatildi. Referi "Arsenal" futbolchisining simulyasiyasiga uchdi va serbiyalik futbolchiga ikkinchi sariq kartochkani ko‘rsatdi.
Lempard shogirdlari kamchilikda o‘ynaganiga qaramay, vaziyatni o‘nglashga harakat qilishdi. Ikkinchi bo‘limga qo‘shib berilgan 12 daqiqa ham yetarli bo‘lmadi.
Natijada "Arsenal" Angliya kubogini qo‘lga kiritib, Yevropa ligasi yo‘llanmasiga ham ega bo‘ldi.
Angliya kubogi, Final
Arsenal – Chelsi 2:1 (1:1, 1:0)
Gollar: 0:1 – 5 Pulishich, 1:1 – 28, penalti Obameyang, 2:1 – 67 Obameyang.
Arsenal – Martines, Belyerin, Xolding, Tirni (Kolashinas, 90), Meytlend-Naylz, Jaka, Sebalyos, Pepe, David Luiz (Papastatopulos, 88), Obameyang, Lyakazett (Nketia, 82).
Chelsi – Kabalyero, Alonso, Zuma, Aspilikueta (Kristensen, 35), Djeyms, Pulishich (Pedro, 49), Kovachich, Maunt (Barkli, 78), Jorjinyo, Ryudiger (Xadson-Odoi, 78), Jiru (Abraxam, 78).
Ogohlantirishlar: Kovachich (14), Aspilikueta (26), Maunt (45), Sebalyos (73), Ryudiger (75), Barkli (89).
Chetlatish: Kovachich (73).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
