Бугун юртимизда ўтказиладиган Осиё чемпионатига тайёргарлик кўраётган Ўзбекистон Ўзбекистон U-19 терма жамоаси Вадим Абрамов етакчилигидаги Миллий терма жамоамизга қарши назорат учрашувида майдонга чиқди.
Қизиқарли ўтган ўйинда аввалига Тимур Кападзе шогирдлари ҳисобда олдинда боришди. 10-дақиқасида ёшлар аъзоси Улуғбек Ҳошимов ҳисобни очди – 0:1. Орадан кўп ўтмай Руслан Розиев пенальтидан гол уриб, миллий терма жамоа дарвозасига иккинчи голни киритди – 0:2.
Аммо маҳорат барибир ўз сўзини айтди. Биринчи тайм якунида Бобир Абдихолиқов ҳисобни қисқартирди - 1:2. Иккинчи таймда эса Темурхўжа Абдухолиқов (пенальтидан) ва Азизбек Турғунбоев киритган голлар Вадим Абрамов жамоасига ғалаба келтирди.
Назорат учрашуви. 6 август 2020 йил.
Ўзбекистон МТЖ - Ўзбекистон U-19 - 3:2
Голлар: Улуғбек Ҳошимов 10, - 0:1. Руслан Розиев 22 пенальти, - 0:2. Бобир Абдихолиқов 27, - 1:2. Темурхўжа Абдухолиқов 63 пенальти, - 2:2. Азизбек Турғунбоев 77, - 3:2.
Ўзбекистон МТЖ - Машҳуржон Муҳаммаджонов, Ислом Қобилов, Дилшод Аҳмадалиев, Игорь Голбан, Ҳусниддин Ғофуров, Нурилло Тўхтасинов, Жасур Ҳасанов, Санжар Қодирқулов, Шароф Муҳитдинов, Лутфулла Тўраев, Бобир Абдихолиқов.
Ўзбекистон U-19 - Абдувоҳид Неъматов, Одилбек Абдумажидов, Аслиддин Тоштемиров, Саидазамат Мирсаидов, Бектемир Абдуманнонов, Диёрбек Раҳимқулов, Мурод Хожамбердиев, Даврон Анваров, Отабек Жўрақўзиев, Улуғбек Ҳошимов, Руслан Розиев.
Матнда хатолик топсангиз, ўша хатони белгилаб, бизга жўнатинг (Ctrl + Enter).