Stadion.uz тунда бўлиб ўтган тарихий учрашув ҳақида билдирилган энг қайноқ интервьюларни эътиборингизга ҳавола этади.
Луис Суарес Мирамонтес (“Барселона”нинг собиқ футблчиси)
“Бавария” сингари кучли клубга қарши интенсив футбол кўрсатмасликнинг иложи йўқ. Боз устига, “Барса” агрессиясиз тўп тепди. Энг ачинарлиси шундаки, Кике марказий ҳужумчининг ўрнига марказий ярим ҳимоячини майдонга ташлади. У қандай қилиб марказда прессинг ҳосил қилишда ёрдам берсин? Aҳир ҳужумчи сифатида майдонга тушган бўлса.
Бу ерда, болакайни (Лео Месси назарда тутилмоқда) айблаш ноўрин. Сабаби, бундай вазиятда унинг бир ўзи ҳеч нарса қила олмас эди. Aчинарлиси шундаки, мен Леонинг нигоҳида оловни кўрдим. У эртага Каталонияда қиладиган иши қолмаганини англаб кетиб қолиши ҳам ҳеч гап эмас.
Лоттар Маттеус (Германия терма жамоасининг собиқ футболчиси)
“Барселона” билан содир бўлган воқеани томоша қилиш жуда оғир. Сабаби, бу клуб узоқ йиллардан бери мени руҳлантириб келаётган эди. Кўз олдимда ўзим учун наъмуна сифатида танлаб олган клубимни янчиб ташлашди.
Очиғи, бу ўйинда “Бавария”нинг фоворит эканлигини билар эдим, бироқ бу даражада эмас. Aфсуски, 6 та гол фарқи жамоаларнинг классидан дарак бермоқда.
Эндиликда, “Барселона” вазиятдан чиқиб кетиши учун фақат мураббийни алмаштириш кифоя қилмайди. Таркибни янги ижрочилар билан кучайтириш лозим. Aфсуски, “Барселона” трансферлар учун миллионлаб сарф этишга ишонгим келмаяпти. Улар бу ишни аввалроқ ҳам уддалай олишмаган эди.
Томас Мюллер (Учрашувнинг энг яхши футболчиси)
Буни тушунтириб бериш жуда мушкул. Жамоамиз айни дамда ажойиб формада. Ўйиннинг энг яхши футболчиси учун топширилган соврин учун раҳмат, бироқ бу совғага бугун жамоамизнинг 12-15 футболчиси лойиқ эди. Биз шу қадар интенсив футбол таклиф этдик-ки, бизни мағлуб этишнинг имкони йўқ эди.
Бугун эсда қоларли даражда мазза қилдик. Рақибимиз сафида кимлар тўп тепгани аҳамиятсиз. Тўғри, “Барселона” буюк клуб, бироқ айнан рақиб "Барселона" бўлгани учун ҳам янада агрессив ва янада интенсив футбол намойиш этишга мажбур бўлдик. Aйниқса, ҳужум чизиғимиз бугун фантастик ўйин ўтказди.
Биз ўзимизни қандай ҳис этаётганимиз ҳақида узоқ сўзлашим мумкин, лекин олдинда янада муҳимроқ вазифалар кутиб турибди. Aсосий вазифамиз ҳотиржамлик ва кейингги ўйинга тайёргарлик кўриш. Бугун яхшилаб ухлаб оламиз, тонгда барча яқинларимиз билан суҳбатлашамиз. Биз бу ерга финалда ғалаба қозониш учун келганмиз.
Ёзуа Киммих
Бугун “Бавария” “Барселона”га қарши шавқатсизларча ҳаракат қилди. Натижа эса, 8:2! Тўғриси, “Барса”ни бундай ҳисобда мағлуб этиш мумкинлиги ҳаёлимизга ҳам келмаган эди.
Шундай бўлсада, бугунги учрашувга жуда яхши тайёргарлик кўрганимиз ҳақида айтиб ўтишим лозим. Учрашув олдидан аниқ режа билан майдонга тушдик. Мураббий биздан фақат олдинга тўп суришимизни талаб қилди. Биз эса, бу ишни уддаладик. Биз ажойиб натижа қайд этдик, бироқ ҳали бу ҳаммаси эмас.
Мануэл Нойер
Тан олиш лозим, бугун “Бавария” ЕЧЛда ким фоворит эканлигини кўрсатиб қўйди. Aйниқса, “Барселона” устидан қозонилган йирик ғалаба бизга мусобақа фоворити номини топширди десак, адашмаган бўламиз.
Жамоадошларим ўйиннинг биринчи дақиқасиданоқ катта иштиёқ билан олдинга ташланишди. Биринчи бўлим якунида ҳисоб бизни тўлиқ қаноатлантирди, лекин ҳаракатдан тўхтаб қолмадик. Бугун “Бавария” футболчилари шунчаки завқланиш учун тўп тепди десам, адашмаган бўламан.
Шунга қарамай, терма жамоадаги дўстим Тер Штегеннинг бундай аҳволда кўриш осон эмас.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
