Коутиньо ЕЧЛда ғолиб чиқса, «Барселона» «Ливерпуль»га пул тўлаб беради
«Бавария» Европа чемпионлар лигасида ғолиб чиқса, «Барселона» 5 млн евро миқдорида зарар кўради.
Гап шундаки, ярим ҳимоячи Филиппе Коутиньо «Ливерпуль»дан «Барселона»га ўтаётганида клублар ўртасида тузилган шартномага шундай банд киритилган: бразилиялик футболчи 2018/19 ёки 2019/20 йилги мавсумда ЕЧЛда ғалаба қозонса, каталонияликлар 5 миллион евро миқдорида бонус тўлаб беради.
"Mirror" тарқатган хабарга кўра, келишувда Коутиньо айнан «Барселона» сафида Чемпионлар лигасида ғолиб чиқиши белгилаб қўйилмаган.
Жума куни «Бавария» чорак финал босқичи доирасида «Барселона»ни 8:2 ҳисобида мағлуб этиб, ярим финалга йўл олди. Кечаги учрашувда Коутиньо захирадан майдонга тушиб, дублга эришди. Мюнхенликлар ярим финалда «Манчестер Сити» — «Лион» жуфтлигига қарши майдонга тушишади.
28 ёшли футболчи 2018 йилнинг январь ойида 120 миллион евро эвазига «Барселона»га ўтган эди. 2019 йилнинг август ойида эса у «Бавария»га ижарага берилди.
Манба: championat.com
Киритилди: 15:38, 15.08.2020. Ўқилди: 7068 марта. Фикрлар: 6 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар