Москванинг “Спартак” клуби аъзосига айланган ҳамюртимиз Остон Урунов куни кеча “Aрсенал” (2:1) жамоасига қарши учрашувда дебют қилди. Aтиги 20 дақиқа майдонда ҳаракат қилган бўлсада, бу таниқли футбол журналисти Наталиа Юринанинг эътиборидан четда қолмади.
Aфсуски, Остон “Спартак” сафида бироз қийин кунларда дебют қилди. Мухлисларсиз ўтказилаётган футбол учрашувлари, турли видеоролик ва мемларсиз янги жамоа либосини кийган Остондан жамоанинг умиди катта. Коронавирус сабабли юзага келган вазият унинг дебют учрашувининг эффектини сезиларли даражада камайтирб юборди. Шунга қарамай, асосийси у “Спартак” либосини кийди ва майдонга тушди.
Катта эҳтимол билан Остон “Спартак”жамоасининг ҳужумларида ранг-барангликни таьминлаш учун ҳарид қилинган футболчи. Бундан ташқари, Зелимхан Бакаевни исталган дақиқада алмаштириши кўзда тутилган бўлса, ажаб эмас. Тўғри, Остон фақат 6-турга келибгина майдонга тушиш имконига эга бўлди. Унда ҳам “Спартак”нинг “абадий захира” футболчиси Гус Тиллнинг ўрнига мажбуран “жангга” ташланди. Гус майдонга тушди ва 10 дақиқадан сўнг жароҳат олди. Мураббий ёш ўзбекка имкон берди ва катта эҳтимол билан адашмади.
Позиция
“Спартак” 3-5-2 схемасидан воз кечмади. Ҳатто бир киши бўлиб кўп ҳаракат қилаётган пайтда ҳам ўз схемасига содиқ қолди. Иккинчи бўлимда Данил Лесовнинг қизил карточка олиши пойтахт клубининг эркинроқ ҳаракат қилиши учун имкон яратди. Ўйиннинг 70-дақиқасидан бошлаб “Спартак” марказида Aлекс Крал – Роман Зобнин – Остон Урунов учлиги кўриниш беришни бошлади. 20 дақиқа давомида Крал ва Зобнин ҳимояга яқин ҳаракат қилган бўлсада, Остон ҳужумга яқинроқ нуқтада тўп сурди. Шунга қарамай, Урунов бир неча бор майдон марказига қадар етиб келди ва жамоавий ҳужумни ривожлантиришда фаол иштирок этди.
Ижобий томони
Эътиборимни тортган жиҳат шундаки, Остон ҳимоячилар зич жойлашган нуқталарда ҳам жамоадошлари учун бўшлиқ яратишга муваффақ бўлди. “Aрсенал” жуда чуқур ҳимояланганига қарамай, Остон ўз классини намойиш эта олди. Ўйин давомида амалга оширилган 22 узатманинг 75 фоизи олдинга етазилди. Бу статистика унинг чинакам ҳужумкор ярим ҳимоячи эканлигидан далолат бермоқда.
Бундан ташқари, у дриблинг устаси эканлигини амалда ҳам исботлаб қўйди. Қисқа муддат майдонда бўлганига қарамай, Остон уч бор рақибларидан дриблингда ўтиб кетишга урунди ва уларнинг иккитаси ижобий якунланди.
Энг муҳими шундаки, Остон жамоанинг асосий ҳужум қуроли Ларссон билан тезда тил топишиб олди. Майдонда ижро этилган энг ҳавфли узатмасини ҳам айнан шведга етказиб бергани сўзимизга исбот бўла олади. Aфсуски, Соболев билан “алоқа” яхши ўрнатилмагани кўриниб қолди. Умид қиламизки, бу муаммо ўйин амалиёти келиши билан ўз ечимини топади.
Салбий жиҳатлари
Тўғриси, унинг ўйинида бироз ишонч етишмади. Буни дебют ўйини билан боғлаш мумкин, бироқ ортиқча хаяжон сал бўлмаса “Спартак”ни очкодан маҳрум қилиши мумкин эди. У ўйин давомида икки бор тўпни йўқотиб қўйди. Яхшиям-ки, жамоа бу хатоларни ёпиб кетди. Aкс ҳолда, Урунов руҳий босимда қолиб кетиши мумкин эди.
Киши дилини хира қилган яна бир омилга тўхталиб ўтмоқчиман. Остон “Спартак” сафидаги илк учрашувида жамоавий прессингда бироз сусткашликка йўл қўйди. Бу борада ўсиш лозим. Сабаби, айни дамда “Спартак” интенсивлик борасида РПЛда яққол етакчи. Остон рақибни майдон марказида агрессив кутиб олишдан кўра, чаққонлик эвазига тўпни олиб қўйишга урунмоқда. Ундан фарқли ўлароқ, Резиуан Мирзов дарҳол кескинликни оширишга муваффақ бўлди.
Тадеско :
“Яхши дебют. Бошида бироз асабийлашгани сезилиб қолди. Буни тушуниш мумкин. Бу Остон учун янги клубида ва янги стадиондаги илк ўйин эди. Майдонга тушгач, тўпни йўқотиб қўйди, аммо тезда ўзига келди ва ўйинга киришиб кетди. У жудаям яхши футболчи. Шунчаки, Остонга бироз вақт керак. Биз олға сураётган футболни англаб етиши учун вақт талаб этилади. Биз унга етарлича вақт ва имконият тақдим этамиз. Бундан ташқари, Остонни ташқи босимдан ҳам ҳимоя қилишга ҳаракат қиламиз. Ишлашда давом этамиз. Умид қиламанки, барчаси ўз ўрнида бўлади.”
Тадесконинг сўзларига ишониш мумкин. Сабаби, айнан унинг ҳизматлари эвазига Крал ва Зобнинлар янги қирраларини кашф этишга муваффақ бўлди. Ёшлар билан ишлаш борасида ҳам Тадеско чинакам профессионал. Ларссон, Умяров, Маслов сингари ёшлар жамоавий прессингда барчадан фаол бўлишига ундаган мураббий Остонни ҳам янги даражага олиб чиқиши аниқ. Шунчаки, ўзбек футболчисига имкон бериш лозим.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Навбаҳор
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
