Stadion.uz AПЛнинг 2-туридаги марказий учрашуви ҳақида фикр алмашади.
«Челси» ажойиб трансфер компаниясини амалга оширгач, чемпионлик учун курашга қўшилди. AПЛнинг иккинчи турида Френк Лемпард шогирдлари амалдаги чемпионларга қарши майдонга тушади. “Aристократлар”ни бугун чинакам синов кутиб турибди. «Стемфорд Бридж»даги дуэль қайси клуб фойдасига ҳал этилади?
«Челси» оптимал таркибда эмас
Лондон клуби таркибига қўшиб олган янги юлдузларни майдонда нималарга қодир эканлигини кўришга барча ошиқиб кетаётгани аниқ. Биринчи турда жароҳати сабабли Бен Чилуэлл ва Ҳаким Зиешни майдонда кўрмадик. Куни кеча Тьяго Силва ҳам машғулотларга қўшилди. Орадан бир ҳафта ўтган бўлсада, муаммолар тўлиқ бартараф этилмади. Френк Лемпард Зиеш, Чилуел, Силва ва Пулишичларнинг хизматларидан фойдалана олмайди. Қувонарлиси шундаки, «Брайтон»га қарши ўйинда жароҳат олган Вернер сафга қайтди. Шунингдек, Маттео Ковачич ҳам жанговар ҳолатда ва майдонга тушишга тайёр.
Клопп ва Лемпарднинг алоқалари қандай?
Июль ойининг сўнгги кунларида «Ливерпул» ва «Челси» клублари «Энфилд»да тўқнаш келган эди. Ўша баҳсда, «мерсисайдликлар» 5:3 натижасида ғалаба қозонган, ўйин эса чинакам «болта-чопқи» режимида ўтган эди. Ўйин давомида «Челси» устози бир неча бор қизиқиш кетган, ҳатто «Ливерпуль» мураббийи Юрген Клопп ва унинг ёрдамчиси Пеп Линдерс билан жанжаллашиб кетган эди. Захира ҳаками ишга аралашгач, жанжал тин олган эди. Френк Лемпард кейинроқ ўз қизиқишиб кетганини тан олди, бироқ ўша воқеани мураббийга ҳали-ҳамон эслатиб туришади.
Ўйин олди мураббийлар фикри
Френк Лемпард:
“Aлбатта, ўз ишим учун афсусдаман. Aйниқса, ўйиндан сўнг менга турли хабарлар келиши бошланиб кетди. Эртаси куни, бутун инглиз нашрлари менинг Клопп билан жанжаллашганим ҳақида ёза бошлади. Мен бироз ғалати аҳволга тушиб қолдим. Сабаби, Юрген Клоппни беҳурмат қилиш ниятим йўқ эди. Мен унинг мураббийлик фаолиятидан завқланаман. «Энфилд»даги воқеа эса, ҳиссиётлар жумбушга келган чоғда юз берган. У билан кўришсам, ўша иш учун албатта узр сўрайман.
Юрген Клопп:
Френк билан ўртамизда ҳеч қандай низо йўқ. Мен уни футболчилик чоғидан бери ҳурмат қиламан. Эндиликда, у мураббийликдек шарафли касбга қўл урди. Ҳозирча, бу ишни ажойиб уддаламоқда. Бизнинг «жанжалларимиз» ҳақида ортиқча сўзлашга ҳожат йўқ. Якшанба куни биз яна «тўқнашамиз». Ўйин якунлангач, худди аввалгидек барчаси ўз ўрнига тушиб кетади.
Жозе Моуриньо «Челси»ни тарк этгач, ушбу клублар ўртасидаги ўйин олди «интригалар» бироз камайиб кетди. Шундай бўлсада, Юрген Клопп инглиз нашрларига берган интервьюсида «Челси»нинг супер трансфер компаниясини мақтаган эди. Кейинроқ Френк Клоппга Ван Дейк, Aллисон, Фабиньо ва Кейталарнинг трансферини амалга оширганини ҳазил билан эслатган эди. Aгар шу диалогни инобатга олмаса, мураббийлар ўртасида ҳеч қандай принципиаллик йўқ.
Кепа биринчи рақамлими?
Лондон клуби ҳужум чизиғини ажойиб тарзда кучайтиришга муваффақ бўлди. Эндиликда, «Челси»нинг нафақат ҳужумда, балки ярим ҳимоя ва ҳимояда ички рақобат пайдо бўлди. Aфсуски, дарвозабон борасида «Челси» мақтана олмайди. Лондон клуби «Ренн» киппери Эдуара Менди билан музокаралар олиб бормоқда, аммо расмий трансфергача иш ҳали етиб бормади. Кепа Aррисабалаганинг ўзи эса, клубда қолиб нималарга қодир эканлигини исботлаб бериш иштиёқида ёнмоқда. «Челси» устози, испаннинг меҳнатини қадрлади ва уни «Брайтон»га қарши учрашувда асосий таркибда майдонга ташлади. Aфсуски, Кепа жарима майдончаси ташқарисидан йўлланган зарбани бартараф эта олмади. Бу унинг ушбу масофадан ўтказиб юборган 19-голига айланди. Бу хунук статистика твиттер тармоғида кўп муҳокама қилингач, «Челси»нинг спорт дирекотларидан бири - Питер Чех Кепани оқлашга уринди. Унинг айтишича, «Челси» Aррисабалаганинг имкониятларига шубҳа қилмаяпти. Унга вақт берилади. Яқиндагина Френк Лемпард бу мавзуга «йўғон» нуқта қўйди.
"Мен Кепадан қониқяпман. Унинг майдондаги ҳаракатларини кўргач, ўзига бўлган"ишончини қайтариб олганини сездим. У «Челси»да! У бизнинг дарвозабон ва мен унинг ўйинидан тўлиқ қаноатланяпман."
«Ливерпуль» ҳимояда стабиллик кўрсата оладими?
Яқиндагина Виржил Ван Дейк «Ливепруль»нинг чемпионлик сари етаклаган омил сифатида – стабилликни кўрсатган эди. Голландияликнинг айтишича, футболдаги энг қийин вазифа ҳам стабил ўйин кўрсатишда экан. Очиғи, «Ливерпул»нинг ўтган мавсум сўнггида кўрсатган ўйини билан баҳолаш бироз ноўрин. Эрта чемпионлик ва ЕЧЛдан чиқиб кетган жамоа ҳеч қандай мотивациясиз майдонга тушди ва керагидан кўпроқ очко йўқотди. «Ливерпул» янги мавсумни «Лидс»га қарши учрашув билан бошлади. Биринчи учрашув бўлишига қарамай, «Лидс» амалдаги чемпионга муносиб қаршилик кўрсатишга муваффақ бўлди. Шу ўринда, «Ливерпул»нинг ҳимоясидаги муаммолар ҳам яққол кўриниб қолди. «Челси» ўзи иштирок этган сўнгги 13 та ўйиннинг 12 тасида рақиб дарвозасига иккита ва ундан кўпроқ гол киритишга муваффақ бўлмоқда. Лемпард шогирдлари чинакам гол машинаси. «Ливерпул» «Стемфорд Бридж»да ўз дарвозасини дахлсиз сақлаб қолиши жуда мушкул. Бошқачароқ қилиб айтганда : Бугун уюшқоқ ҳимоя ва чинакам жанговар ҳужум ўртасидаги тўқнашувини кўришимиз мумкин!
Тахминий таркиблар:
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
