Лондоннинг «Челси» клуби янги футболчиси Тьяго Силва нима учун Франциянинг «ПСЖ» клубини тарк этганини очиқлади.
Эслатиб ўтамиз, бразилиялик футболчи "ПСЖ" клуби билан амалдаги шартномаси якунига етгач, эркин агент сифатида "Челси" футболчисига айланди. Бироқ, Силва «ПСЖ»да қолиши мумкин эди, лекин у буни хоҳламади.
«Бу ҳолат мени ғазаблантирди. Бу қандай қилиб амалга оширилгани менга ёқмади. Ҳатто ҳозирги ҳолатда ҳам барча бошқача якун топиши мумкин эди. Мен Бразилияда карантинда эдим ва менга Леонардо қўнғироқ қилиб пандемия туфайли қийинчиликлар рўй бераётганини айтди... У мендан ҳаммаси жойидами, сўнгги икки ойда ўйнаб бера оласанми деб сўради. Мен эса барча келишганимиз ўз кучида эканлигини айтди. Кейин у Чемпионлар Лигасидаги ушбу икки ойдан кейин ҳеч нарса кутилмаганини айтди. Буни бошқачароқ амалга ошириш мумкин эди аслида.
"ПСЖ"даги фаолиятим мобайнида мен жамоам учун борини бердим. ЕЧЛнинг 1/8 финалдаги учрашув барча нарсани ўзгартириб юбордими? «ПСЖ»даги саккиз йиллик совринларим энди муҳим эмасми? Жуда ғалати! Леонардо барча нарсани шошқалоқлик билан амалга оширди. Айтганча, у биргина мен билан бундай иш қилмади, Кавани билан ҳам шунга ўхшаш вазият. Мен бу гапларни клубдагилар келажакда бундай хатоларга йўл қўймаслиги учун гапиряпман», - Силванинг сўзларидан иқтибос келтирмоқда France Football.
Матнда хатолик топсангиз, ўша хатони белгилаб, бизга жўнатинг (Ctrl + Enter).