Суарес: «Месси мени «Барселона»дан ҳайдашди деб ҳисоблади»
«Атлетико» ҳужумчиси Луис Суарес ўзининг «Барселона»ни тарк этишига "кўк-анорранглилар" сардори Лионель Месси қандай муносабатда бўлганини айтиб ўтди.
Суарес кетганидан кейин Месси: «Сен «Барселона»дан ҳайдалишга муносиб бўлмаган эдинг. Лекин мен ҳеч нарса ҳайрон қолдирмай қўйди», деб ёзган эди.
«Леонинг бундай муносабати мени ҳайрон қолдирмади. Чунки мен уни яхши биламан. У ҳам мен каби қалбда оғриқ ҳис қилганини биламан. У мени клубдан ҳайдашди, деб ҳисоблади. Ушбу масалани ечишнинг бошқа йўллари ҳам бор эди. Мен бу клуб сафида 6 йил ўйнагандим.
Оилам менинг бахтли бўлишимни истади. «Барселона»да эса ғалати ишлар бўлмоқда. Масалан, улар кейинги ўйинда мени майдонга туширишни режалаштирмаётган бўлса, мени алоҳида шуғулланишга юборишди...
Бундай ишлар туфайли қалбимга оғриқ турди. Бундай ишлар менга қандай таъсир қилаётганини оилам кўриб турди. Шунинг учун улар менга имкониятдан фойдаланишни маслаҳат беришди. «Атлетико»дан таклиф тушганида мен ўйлаб ўтирмасдан уни қабул қилдим.
Албатта, ҳали кўп нарсаларга кўникишим керак. Лекин «Атлетико»да ўзимни жуда яхши ҳис қиляпман», — деди Суарес Goal нашрига берган интервьюсида.
Манба: sport24.ru
Киритилди: 13:00, 09.10.2020. Ўқилди: 12668 марта. Фикрлар: 17 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар