Ушбу рукнимиздаги энг сўнгги янгиликлар билан таништиришда давом этамиз.
Головин Европада қолиши аниқ
Франциянинг «Монако» жамоаси ярим ҳимоячиси Aлександер Головин фаолиятини Европада давом эттирмоқчи.
Бу ҳақида унинг агенти Олег Aртёмов хабар бермоқда. Унинг айтишича, ярим ҳимоячи билан ёзда ПСЖ ва «Барселона» жамоалари қизиқиш билдирган. Мавсум сўнггида Головин билан Россиянинг бир нечта гранд клублари қизиққан, бироқ футболчи фаолиятини Европада якунлашни режалаштирмоқда.
Эслатиб ўтамиз, Головин айни дамда «Монако» жамоасининг асосий таркиб футболчиси саналади.
«Милан» «Динамо» футболчисини кузатмоқда
Миланнинг «Милан» жамоаси «Динамо Киев» ҳимоячиси Виталий Миколенкони кузатишда давом этмоқда.
Goal нашрининг маълум қилишича, «россонерилар» ҳимоячини «Ювентус»га қарши ўйинида стадионда томоша қилишни режалаштиришмоқда.
Aйни дамда, ҳимоячининг трансфер суммаси 13 миллион еврони ташкил этади.
Холанд «Ювентус»ни рад этди
Aйни дамда «Боруссия Дортмунд» шарафини ҳимоя қилаётган Эрлинг Холанд ўз вақтида «Ювентус»дан келиб тушган таклифни рад этган.
"Calciomercato" нашрининг маълум қилишича, футболчи "Молде"да тўп суриб юрган чоғларидаёқ Турин клубидан таклиф олган, бироқ жамоа билан яна бир мавсум қолишга қарор қилган.
Манбанинг маълум қилишича, Холандга фаолиятини бирданига гранд жамоада давом эттириш учун отаси тўсқинлик қилган.
«Барселона»га осиёлик футболчи керак
Каталониянинг «Барселона» жамоаси қишки трансфер чоғида «Манчестер Сити» ҳимоячиси Эрик Гарcияни қўлга киритишга уриниб кўради. Aгар ушбу трансфер амалга ошмаса, бор эътибор «Балоня» ҳимоячиси Такехиро Томиясуга қаратилади.
Goal нашрининг маълум қилишича, «Барселона» япония терма жамоаси ҳимоячини қўлга киритиш учун 10-15 миллион евро атрофида сарф этиши мумкин.
Эслатиб ўтамиз, ўтган мавсумда Такехиро 29 та учрашувда майдонга тушган ва ўз ҳисобига 1 та гол ёздириб қўйган. Шунингдек, унинг ҳисобида 3 та ассист ҳам мавжуд.
Кулибали сериали давом этади
Италиянинг «Наполи» жамоаси ҳимоячиси Калиду Кулибали учун кураш авжига чиқмоқда.
«Tuttosport» нашрининг маълум қилишича, сенегаллик ҳимоячи учун асосий даъвогар энди «Манчестер Сити» эмас, «Ливерпул»! Виржил Ван Дейк сафдан чиққач, «Мерсисайдликлар» қишда унинг ўрнини тўлдиришга қодир футболчи сотиб олиш учун ишга киришади.
Инглиз нашрлари эса, жамоа радари Калиду Кулабали тургани ҳақида маълумот бермоқда.
Эслатиб ўтамиз, ёзда «Манчестер Сити» Кулибали учун 60 миллион евро таклиф қилган, бироқ рад жавобини олган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
