Ushbu ruknimizdagi eng so‘nggi yangiliklar bilan tanishtirishda davom etamiz.
Golovin Evropada qolishi aniq
Fransiyaning «Monako» jamoasi yarim himoyachisi Aleksander Golovin faoliyatini Yevropada davom ettirmoqchi.
Bu haqida uning agenti Oleg Artyomov xabar bermoqda. Uning aytishicha, yarim himoyachi bilan yozda PSJ va «Barselona» jamoalari qiziqish bildirgan. Mavsum so‘nggida Golovin bilan Rossiyaning bir nechta grand klublari qiziqqan, biroq futbolchi faoliyatini Yevropada yakunlashni rejalashtirmoqda.
Eslatib o‘tamiz, Golovin ayni damda «Monako» jamoasining asosiy tarkib futbolchisi sanaladi.
«Milan» «Dinamo» futbolchisini kuzatmoqda
Milanning «Milan» jamoasi «Dinamo Kiyev» himoyachisi Vitaliy Mikolenkoni kuzatishda davom etmoqda.
Goal nashrining ma’lum qilishicha, «rossonerilar» himoyachini «Yuventus»ga qarshi o‘yinida stadionda tomosha qilishni rejalashtirishmoqda.
Ayni damda, himoyachining transfer summasi 13 million yevroni tashkil etadi.
Xoland «Yuventus»ni rad etdi
Ayni damda «Borussiya Dortmund» sharafini himoya qilayotgan Erling Xoland o‘z vaqtida «Yuventus»dan kelib tushgan taklifni rad etgan.
"Calciomercato" nashrining ma’lum qilishicha, futbolchi "Molde"da to‘p surib yurgan chog‘laridayoq Turin klubidan taklif olgan, biroq jamoa bilan yana bir mavsum qolishga qaror qilgan.
Manbaning ma’lum qilishicha, Xolandga faoliyatini birdaniga grand jamoada davom ettirish uchun otasi to‘sqinlik qilgan.
«Barselona»ga osiyolik futbolchi kerak
Kataloniyaning «Barselona» jamoasi qishki transfer chog‘ida «Manchester Siti» himoyachisi Erik Garciyani qo‘lga kiritishga urinib ko‘radi. Agar ushbu transfer amalga oshmasa, bor e’tibor «Balonya» himoyachisi Takexiro Tomiyasuga qaratiladi.
Goal nashrining ma’lum qilishicha, «Barselona» yaponiya terma jamoasi himoyachini qo‘lga kiritish uchun 10-15 million yevro atrofida sarf etishi mumkin.
Eslatib o‘tamiz, o‘tgan mavsumda Takexiro 29 ta uchrashuvda maydonga tushgan va o‘z hisobiga 1 ta gol yozdirib qo‘ygan. Shuningdek, uning hisobida 3 ta assist ham mavjud.
Kulibali seriali davom etadi
Italiyaning «Napoli» jamoasi himoyachisi Kalidu Kulibali uchun kurash avjiga chiqmoqda.
«Tuttosport» nashrining ma’lum qilishicha, senegallik himoyachi uchun asosiy da’vogar endi «Manchester Siti» emas, «Liverpul»! Virjil Van Deyk safdan chiqqach, «Mersisaydliklar» qishda uning o‘rnini to‘ldirishga qodir futbolchi sotib olish uchun ishga kirishadi.
Ingliz nashrlari esa, jamoa radari Kalidu Kulabali turgani haqida ma’lumot bermoqda.
Eslatib o‘tamiz, yozda «Manchester Siti» Kulibali uchun 60 million yevro taklif qilgan, biroq rad javobini olgan edi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
