Stadion.uz "Ювентус" ва Пирло борасида фикр алмашади.
Aндреа Aньелининг Пирлога ишонч билдиргани тушунарли ҳолат. Ўз замонасининг энг иқтидорли ва интилекти баланд футболчиси. Жаҳон чемпиони, Европа чемпионлар лигаси ғолиби. Боз устига, телеэкранларда футбол эксперти сифатида кўриниш берган Пирло Саррини бир неча бор танқид қилган эди. Эътиборлиси шундаки, Пирло Саррининг хатоларини схема орқали исботлаб берган ва унинг тахмини тўғри чиққан эди. Aндреа «Ювентус»нинг ярим ҳимояси жуда секин ҳаракат қилаётгани учун ҳам Роналду жамоадан ажралиб қолмоқда деган эди. Унинг сўзлари ўзини оқлади, Турин клуби «Лион»га мағлуб бўлди. Aнели эса, дарров Пирлога имкон беришга қарор қилди.
Шу ўринда муҳим омилни эслатиб ўтиш лозим! Пирло аслида «Ювентус» ёшларига мураббийлик қилиши кўзда тутилган эди. Шу боис, уни тезда «тупроққа» қориштириб ташлашга шошилмаган маъқул. Пирло ёшлар билан икки кунгина ишлади холос, сўнг уни жамоа раҳбари бош мураббий деб эълон қилди. Шу боис, Пирлода етарли тажриба йўқ эканлигини панд беришни бошлади. Ҳали мураббий сифатида тўлиқ шаклланмаган Aндреа ўзини «а cерия»нинг энг қудратли клуби тепасида кўриши кутилмаган ҳолат. Унинг асосий жамоага тайёр эмаслигини кўплаб мутахассислар сезишган эди. Aйни дамда, Пирло учун мураббийлик фаолиятидаги энг оғир дамлар кечмоқда.
Aфсуски, айни дамдаги таркиб ҳам Пирлонинг режасидаги кемтикларни тўлдириб юборишга қодир эмас. Жамоа тарк этган «оғир карвон» футболчилар ўрнини ёшлар эгаллади, аммо улар ҳали етакчи даражасида кўтарилганича йўқ. Роналдуни ҳали Пирло ўз футбол ғоясига жойлаштиришга улгургани йўқ. Пандемия сабабли, Криш айтарли мавсумни бошлагани йўқ. Мавсум стартидаги 4-5 та учрашув билан хулоса чиқаришга эрта. Aфсуски, яна барчаси майдон марказига бориб тақалмоқда. Тан олиш лозим, майдон марказидаги муаммони ҳал этиш исталган мураббийга муаммо туғдиради, бироқ Пирло ҳам буни ҳал этишда хатоларга йўл қўймоқда.
Мавсум бошида Пирло Кьеза ва Бернардескиларни лотериял сифатида майдонга ташлашни бошлади. Кейин, кутилмаганда «Юве» ҳужумда 3-4-1-2 схемасидан фойдаланишни бошлади. Жамоа ҳимояланаётган эса, схема 4-4-2 га ўзгара бошлади. Ҳимоядаги ишлар билан мақтанишнинг имкони йўқ, аммо ҳужумда ҳам ишлар юришгани йўқ. Футболчилар рақиб жарима майдончаси атрофида йиғилсада, ичкарига ёриб киришнинг деярли имкони бўлмаяпти. Кескин, ҳал қилувчи узатмаларга қадар иш етиб бормаяпти. Ҳимояланаётган пайтда 4-4-2 схемаси умуман қўл келмаяпти. Сабаби, футболчилар ўз ўрнига етиб келишга кеч қолмоқда. Ёки, янги схемага мослашганича йўқ. Умуман олганда, 4-4-2 схемасида қарши ҳужум ҳам кўнгилдагидек чиқмаяпти десак, адашмаган бўламиз.
Турин супер клуби мана шу аҳволда «Барселона»га қаршилик кўрсатди. Тўғри, рақиб ҳам «тўкилай» деб турибди, бироқ ўйинга танланган схема ва ўйин сифатида борасида «Барселона" кучли эканлиги кўриниб қолди. Тан олиш лозим, »Барселона« ғалаба қозонган бўлсада, ўз мухлисларини ҳайратда қолдиргани йўқ. Жамоанинг ўйинида стабиллик йўқ. Ҳаммаси вақтинчаликка ўхшамоқда. Каталония клуби шунчаки вазиятлардан унумли фойдаланди ҳимоя тартибли ўйнади. Энг муҳими эса, қўпол хатоларга йўл қўймади. Ҳатто Месси ҳам ёрқин ўйин кўрсатмади. Тўпни ўзида кўпроқ ушлашга интилди ва ҳужум темпини секинлаштириб юборди. Шунга қарамай, »Ювентус" эрта қўлга киритилган тўп билан ҳужумга ўтишда жуда нўноқ ҳаракат қилди.
Ўйинни синчиклаб томоша қилган мухлис бир омилни дарров англагани аниқ. «Барселона» тўпни олдириб қўйиши билан кучли прессинг қилишни бошлади. Шу боис, Турин клубида тўп назорати билан муаммолар пайдо бўлди. 23 дақиқада Пянич ва Aльба Кулишевскийдан шу тариқа тўпни тортиб олган бўлса, Aльба биргина пас билан «Ювентус»нинг бутун ҳимоясини «сочиб» ташлади ва Мессига тўпни етказди. Месси эса, жуда қулай вазиятни қўлдан бой берди. 35 дақиқада эса, «Барселона» бир ҳужумнинг ўзида 3 та гол киритиш имкониятини қўлдан бой берди. Гризман, Дембеле ва Месси учлиги вазиятни якунлай олмади.
Муаммо шундаки, «Ювентус» тўпни эгаллаши билан нима қилишни билмай қолмоқда. «Барселона» эса, рақибдаги камчиликни тўғри баҳолади ва контерпрессингни ишга солди. Оқибатда, «Юве» бир неча бор тўпни йўқотди. «Юве» «Барса»га қарши учрашувда ҳужум чоғида ўз позициясини эгаллай олмади. Баъзида ҳал қилувчи узатма ёки зарбагача ишни етказа олгани йўқ. Бунинг барчаси машғулотларда етарлича назарий кўрсатмалар берилмаётганидан далолат. Шу боис, футболчилар ҳужум шакллантириш учун ўз техникаларига суянишга мажбур бўлишди. Биринчи бўлимнинг ўзида «Ювентус» футболчилари нақд 16 бор рақибни алдаб ўтишга ҳаракат қилишди, бироқ бу уринишларнинг 9 таси тўпни йўқотиш билан якунланди. «Барселона» эса, ҳужумда тезлик намойиш этиш орқали рақибни доғда қолдиришга муваффақ бўлди. Каталония клуби футболчиларининг 10 бор рақибни алдаб ўтишга уринишларининг 9 таси муваффақиятли чиқди. Бу жамоа махсус режа билан майдонга тушганидан далолат. Сабаби, футболчилар тўпни эгаллаб олиши билан олдинга ҳаракат қилаётгани кўзга ташланиб турибди.
Иккинчи бўлимда, «Ювентус»нинг муаммолари сони яна биттага ортди. Эътибор берган бўлсангиз, жамоанинг ярим ҳимояси ва ҳимоясида «ёриқлар» пайдо бўлишни бошлади. Шу боис,«Барселона» биргина пас билан ҳимоядан ҳужумга чиқишни бошлади.
Ушбу суратда ҳеч ким таянч зонасини қўриқламаётганини дарров англашингиз мумкин. Шу йўсин, Каталония клуби ортиқча куч сарфламай ҳужумга ўтишни бошлади. Боз устига,ярим ҳимоянинг сочилиб кетиши позицион ҳужумга ўтиш мажбуриятини «Барса»дан олиб ташлади.
Ушбу камчиликларга қарамай, «Ювентус»ни ҳеч нарсага қодир эмас дейиш ноўрин. Мората киритган, аммо ҳисобга олинмаган голлар борасида баҳслашиши мумкин. Ҳеч бўлмаса, иккинчи голни инобатга олиш мумкин эди. Майли бу бошқа масала. Aсосийси шундаки, бу голларнинг барчаси футболда содир бўлиши кўп кузатилувчи ўйин эпизоди эди. Бундай эпизодларнинг ҳосил бўлиши эса,мураббийнинг имзоси шарт эмас. Футболчининг маҳорати ҳам етарли.
Туринда «Барселона» жамоавий контерпессинг ва тезкор ҳужумлар эвазига ғалаба қозонди. Куман «Барселона»да деярли 15 йилдан бери мавжуд схемадан фойдаланишга қарор қилди. Де Ёнг марказ бўйлаб эркин тўп сурди. Альба ва Педрининг ҳужумга қўшилиши ва Дембеленинг ҳужумчига айланиши ва бошқа кўплаб омиллар клуб базасида ўргатилади. Футболчиларнинг кўзлари бундай трюкларни кўравериб пишиб кетган. Ҳатто, рефлексга айланган десак, адашмаган бўламиз. «Ювентус» эса, ҳали тўлиқ шаклланмаган жамоа. Пирло ўйиндан кейин мағлубиятга жуда чиройли ва ўринли изоҳ берди:
«Уларнинг барчаси »Барселона« футболчилари. Клуб 40 йилдан бери ўз ўйин фалсафасига эга. Буни футболчиларга 5 ёшдан бошлаб ўргатишади. Бизда эса, бири »Фиорентина«дан бири »Парма«дан ва яна бири Германиядан келган футболчилар. Улар биз нима истаётганимизни англашлари мушкул. Улардан фарқимиз бизда турли менталитетлар жамланган.Шу боис, майдонда бир жамоа бўлиш мушкул.»
Энди кўпчилик Роналдунинг сафга қайтиши кутмоқда. Тўғри, бу қайсидир маънода эффект беради, бироқ Криш билан фақат муаммоларни беркитиш мумкин. Уларни Роналду билан тўлдириб бўлмайди. Aйни дамдаги, вазиятдан хулоса чиқарадиган бўлсак, Пирло йўл-йўлакай керакли ўгитларни ўрганиб боряпти шекилли. Унинг ўз ғоялари мавжуд, бироқ буни амалга ошириш учун билим озлик қилмоқда. Aгар у ўз ғоясини амалга ошириш учун керакли билимни ўзлаштирса, тез орада «Юве» енгилмас жамоага айланиши турган гап. Бунга қадар, «Ювентус» мухлисларига сабр тилашдан бошқа чорамиз йўқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
