Анча қизғин воқеалар ва шиддатли ўйинларга бой бўлган Ўзбекистон суперлигаси баҳслари тобора ўзининг поёнига яқин келмоқда. Яна 4 турдан сўнг, миллий чемпионатнинг 2020 йилги мавсуми ниҳоясига етади. Бугун эса, Тошкентда 18 турнинг қолдирилган қарама-қаршилиги кечади. Томонларнинг биринчи даврадаги тўқнашувида Шота Алверадзи шогирдлари рақиблари дарвозасига жавобсиз 5 та тўп йўллашган. Мавсумни яхши бошлаган “Бунёдкор“ айни пайтда 21 ўйиндан сўнг 33 очко жамғарган ҳолда 5 поғонани банд этган. Вадим Абрамов шогирдлари келгуси турларда фақат ғалаба қайд этган ҳолда, чемпионатни юқори ўринларда якунлашни мақсад қилгани аниқ. Қолаверса, дастлабки учрашувдаги мағлубият алами мезбонлар майдонида шиддат ва кескинликни таъминлайди.
Меҳмонлар, сўнгги ўтказилган 5 та ўйиннинг барчасида ғалаба қайд этишган, мезбонлар эса, 5 та учрашувдан 3 тасида мағлубият, 1 тасида дуранг қайд этиб, бор йуғи бир маротаба зафар қучишган.
Халқаро майдондаги иштирокнинг омадсиз якунидан сўнг “Пахтакор“ чемпионлик масаласини пайсалга солмаслиги, кўп эҳтимол. Ушбу принципиал тўқнашувда “шерлар“ зафар қучадиган бўлишса, очколари сонини 59 тага етказиб, энг яқин таъқибчи “Насаф“ни 13 очколик тавфовут билан ортда қолдирган ҳолда, ўз тарихида 13 маротаба мамлакат чемпионлиги совринни бошлари узра баланд кўтаришади.
Бугунгача ўтказилган, ўзаро 29 та беллашувдан 11 тасида “Пахтакор“нинг қўли баланд келган бўлса, 9 таси “қалдирғочлар“ фойдасига ҳал бўлган. Яна 9 ўйинда жамоалар муроса йўлини танлашган. Драган Черан 19 та, Нурилло Тўхтасонов 9 та гол билан айни пайтда жамоаларнинг энг яхши тўпурарлари бўлиб туришибди. Яқиндагина Ўзбекистон чемпионатида ўзининг, юбилей 100 голини киритган Игор Сергеев эса, дербиларда тўпурарлик мақомида. Ҳужумчи ҳисобида айни пайтгача 8 та гол мавжуд ва у ҳам бу кўрсатгични ўзгартиришга уриниб кўради.
Бугунги ўйинни бошқариб бориш, ҳакамлар Аҳрол Рисқуллаев, Руслан Самандаров, Бектурсин Канназаров, Достон Мирзараимов, назоратчи Ғайрат Каримов, комиссар Аббос Аҳроровлардан ташкил топган расмийлар зиммасига юклатилган. Ҳар галгидек яхшигина интрига тақдим этиши кутилаётган пойтахт дербиси “Миллий“ стадиондан, тўғридан-тўғри “Спорт“ телеканали орқали 17:00 дан бошлаб эфирга узатилади.
Д.Ф тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
