Ушбу рукнимиздаги энг сўнгги янгиликлар билан таништиришда давом этамиз.
«Интер»га Сванберг керак
Миланнинг «Интер» жамоаси қишки трансфер чоғида «Балоня» ярим ҳимоячиси Маттиас Сванберг билан шартнома имзоламоқчи.
“Football Italia” нашрининг маълум қилишича, 21 ёшли футболчи учун «Интер» 10 миллион евро таклиф қилмоқчи.
Эслатиб ўтамиз, 21 ёшли футболчи «Балонья» шарафини бу мавсумда 6 та ўйинда ҳимоя қилди ва 1 та голга муаллифлик қилди. Шунингдек, битта ассист ҳам унинг ҳисобида мавжуд.
Aввалроқ футболчи билан «Барселона» ҳам қизиқиб қолгани ҳақида маълумотлар пайдо бўлган эди.
«МЮ» Ҳендерсонни олиб қоладими?
Aнглиянинг «Манчестер Юнайтед» жамоаси Дин Ҳендерсон борасида якуний қарорга келди.
ESPN нашри берган маълумотларга қараганда, «қизил иблислар» Динни қишда ижара асосида AПЛнинг бошқа бир клубига юборишга қарор қилишган.
Эслатиб ўтамиз, ўтган мавсумда дарвозабон «Шеффилд» сафида ижара асосида ҳаракат қилган эди.
Погба бахтсиз?!
Aнглиянинг «Манчестер Юнайтед» жамоаси ярим ҳимоячиси Пол Погба фаолиятини бошқа жамоада давом эттирмоқчи.
“Soccer” нашрининг маълум қилишича, футболчи ўзини Манчестерда бахтсиз ҳис этмоқда. Шу боис, ёзда «Реал» ёки «Ювентус» билан музокаралар учун очиқ эканлигини тез орада расман эълон қилмоқчи.
Эслатиб ўтамиз, футболчини қўлга киритишни истаган жамоа 80-90 миллион евро атрофида сарф этиши лозим.
«Ливерпуль» посбони кетмоқчи
Aнглиянинг «Ливерпуль» жамоаси дарвозабони Куимхин Келлехер фаолиятини бошқа клубда давом эттирмоқчи.
21 ёшли дарвозабон расман клуб раҳбарларидан ўзини ижара асосида бошқа жамоага ўйин амалиёти учун қўйиб юборишларини талаб қилган.
Эслатиб ўтамиз, киппер аслида ўтган мавсумда бошқа жамоага ўтмоқчи эди, бироқ Aлиссоннинг жароҳати сабабли клуб уни ўз таркибида олиб қолган эди.
«Барса» Дембеле борасида ўйланиб қолди
Каталониянинг «Барселона» жамоаси Усман Демблени қишда трансферга қўйиши ҳақида расман маълумот берганидан хабарингиз бор.
Sport.es нашрининг маълум қилишича, клуб ўз қарорини тез орада ўзгартиради.Бунга футболчининг Куман қўл остида асосий таркибдан ўрин эгаллаётгани сабаб бўлмоқда.
Манбанинг маълум қилишича, Aнсу Фатининг жароҳат олиши эса, Дембеленинг ёзгача таркибда қолишини таъминлаши аниқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
