Европа Чемпионлар Лигасининг 5-туридан ўрин олган икки ўйин 2 декабрь, чоршанба куни бўлиб ўтди.
«Лейпциг» жамоаси сафарда «Истанбул Башакшеҳир»га қарши баҳс олиб борди. Учрашувнинг 26-дақиқасида Юсуф Поульсен немисларни олдинга олиб чиққан бўлса, бўлим сўнгида Норди Мукиеле меҳмонларнинг иккинчи голини урди. Биринчи бўлимга ҳакам томонидан қўшиб берилган вақтда Ирфон Жан Каҳвежи жарима майдони ташқарисидан аниқ зарба йўллаган ҳолда ҳисобни қисқартирди.
66-дақиқада Дани Олмо ҳисобни 3:1 кўринишига келтирди. 72-дақиқада Каҳвежи яна бир чиройли голи билан туркларнинг иккинчи голига муаллиф бўлди. 85-дақиқада эса Ирфон жарима зарбасини қойилмақом ижро этиб, мувозанатни тиклади. Бироқ «буқалар» ҳакам томонидан қўшиб берилган вақтда Александр Сёрлотнинг голи эвазига ғалабани илиб кетди.
«Лейпциг» ушбу ғалабадан кейин очколарини 9 тага етказиб олган ҳолда 2-ўринга кўтарилди. «Инстанбул» эса 3 очко билан 4-поғонада бормоқда.
«Краснодар» ўз майдонида «Ренн»ни қабул қилди ва Маркус Бергнинг 71-дақиқадаги голи эвазига ғалаба қозонди. Бу эса рус клубига 3-ўринни кафолатлади ва «Краснодар» Европа Лигаси 1/16-финалига йўлланма олди.
Чемпионлар лигаси, 5-тур
2 декабрь, чоршанба
«Истанбул Башакшеҳир» Туркия — «Лейпциг» Германия 3:4
Голлар: 0:1 – 26 Поульсен, 0:2 – 43 Мукиеле, 1:2 – 45+3 Каҳвежи, 1:3 – 66 Олмо, 2:3 – 72 Каҳвежи, 3:3 – 85 Каҳвежи, 3:4 – 90+2 Сёрлот.
«Истанбул»: Гюнок, Шкртел (Епуряну, 46), Болинголи-Мбомбо (Шадли, 36), Карлуш Понк, Рафаэл, Тюрюч, Вишча (Жулиано, 64), Ўзжан (Текдемир, 46), Каҳвежи, Ба, Гулбрандсен (Кривелли, 84).
«Лейпциг»: Гулачи, Упамекано, Мукиеле, Анхелинё, Конате, Айдара (Орбан, 90), Олмо (Клюйверт, 88), Кампл (Адамс, 46), Забитцер, Форсберг (Сёрлот, 65), Поульсен.
Огоҳлантиришлар: Шкртел (38), Упамекано (53), Тюрюч (57), Олмо (67), Текдемир (78), Рафаэл (89).
«Краснодар» Россия — «Ренн» Франция 1:0
Гол: 1:0 – 71 Берг.
«Краснодар»: Сафонов, Мартинович, Смолников, Рамирес, Панталеао, Кабелла, Вильена, Газинский (Камболов, 87), Классон, Вандерсон (Сулейманов, 65), Берг (Ари, 90).
«Ренн»: Сален, Да Сильва, Траоре, Трюффер, Нямси, Бурижо (Гбоо, 73), Леа Силики (Гренье, 65), Камавинга (Те, 82), Нзонзи, Доку, Юну (Ньянг, 65).
Огоҳлантиришлар: Нзонзи (22), Рамирес (23), Вандерсон (28), Леа Силики (53).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
