«The Best»га даъвогарлар бўлимимизни давом эттирамиз. Энди ушбу совринни ютишга яна бир асосий номзод Криштиану Роналду ҳақида тўхталиб ўтамиз. Хўш, португалиялик мегаюлдузнинг энг яхшилар қаторида тилга олиниши учун мавсум қандай кечган эди?
Аслида Роналду «The Best» мукофотида қатнашишни ўз уйидагидек ҳис қилади десак янгилишмаймиз. У бундан аввал 2016 ва 17 йилларда кетма-кет икки марта ушбу совринни ютган. 2018 йилда эса даъвогарлар рўйхатида иккинчи, бир йил ўтиб эса учинчи ўринни қўлга киритган. Дарҳақиқат, жорий мавсум бўйича ҳам унин имкониятлари ҳавас қиларли даражада. Буни 31 та ўйинда киритилган 35 та голда ҳам билиб олсак бўлаверади. Қуйида берилган статистикадан ҳам билиб олиш мумкинки, голлар ҳар доим Роналдунинг фишкаси бўлиб келган.
Мавсум сарҳисоби рақамларда
«Скудетто» ғолиблиги
Италия кубоги вице-чемпиони
Чемпионлар лигаси плей-офф иштирокчиси
А Сериянинг иккинчи энг яхши тўпурари (31 гол)
«Ювентус» сафида 100 учрашувда 79 гол киритган ҳолда 4-тўпурар
Кучли бешлик чемпионатларида 400 та ғалабага эришган илк футболчи
Премьер-лига, Ла Лига ва А Церийада 50 тадан зиёд гол урган илк футболчи
«Ювентус» либосида битта мавсумда энг кўп гол урган футболчи (37 гол / 19-20 йилги мавсум)
Европа қитъасида ниллий терма жамоа либосида 100 та гол урган илк футболчи
Терма жамоадаги голлар сони бўйича иккинчи кўрсаткич соҳиби (102 гол), Али Дайи рекордига 7 гол қолган
Муҳим воқеликлар
2020 йил 6 январь
Ушбу санада туринликлар Сардиниядан ташриф буюрган «Кальяри»ни қабул қилишди ва йирик 4:0 ҳисобида ғалаба қозонишди. Учрашувда хет-трикка эришган Криштиану йил бошиданоқ ўз олдига қандай мақсадлар қўйганини барчага кўрсатиб қўйди. Энг қизиқ томони, у ўшанда баҳсдаги барча голларда иштирок этганди, Игуаиннинг ягона голига ҳам айнан португалиялик футболчи узатма берганини ҳам таъкидлаб ўтиш жоиз. Бу эса клуб тарихидаги реcорд ҳисобланади. Ушбу хет-триги орқали Роналду кучли бешликдаги 3 та турли чемпионатда шу натижани қайд этган иккинчи футболчига айлаиб олди. Ундан олдинги ўринда чилилик юлдуз Алексис Санчес бор. Дарҳақиқат, Роналду А Серияда январь ойининг энг яхши ўйинчиси деб топилди.
2020 йил 8 сентябрь
Ушбу сана Роналду учун клуб билан алоқаси бўлмаган воқеликни тақдим этди. Яъни у шу кунда УЕФА Миллатлар лигаси доирасида Швецияга қарши баҳсда майдонга тушган. Ўйиннинг муҳимлик даражаси шундаки, португал ўшанда миллий терма жамоа либосидаги 100 ва 101-голларини киритди ҳамда Европада ушбу довонни босиб ўтган илк футболчига айланиб олди. У ушбу натижага 170 та учрашувда эришди. Унинг Португалия либосидаги биринчи голини урганига мана 16 йил ҳам тўлибдики, термада ҳали ундан бошқа ягона лидер ажралиб чиқмади. Лекин жамоанинг бугунги кундаги таркиби анча ҳавас қиларли даражада ва улар яқинлашиб келаётган мундиалларнинг асосий фаворитлари қаторида тилга олинмоқда. Криш энди ўз постини бемалол ёш шогирдларига ишониб топшириб фаолиятини хотиржам якунласа ҳам бўлаверади.
2020 йил 8 декабрь
Қуйидаги воқелик ҳақида менимча, ортиқча таъриф бериш ёки жиддий хотиралар билан эслашнинг ҳожати йўқ. чунки у роппа роса бир ҳафта олдин содир бўлган ва мухлисларга кутилган ва кутилмаган эйфорияларни тақдим этди. Футбол олами ниҳоят ўзлари узоқ кутган ҳодиса – Роналду ва Месси қарама-қаршилигига гувоҳ бўлишди. Деярли 15 йиллик катта давр мобайнида жаҳон футболида гигемонлик қилган икки даҳонинг 31 ой деганда яна қайта учрашуви кўпчиликнинг қизиқиш марказида бўлиши турган гап эди. Бироқ, энди улар ўзаро битта чемпионатда курашиш имкониятига эга бўлмаганликлари учун бу ерда қайсидир маънода соғинч ҳисси ҳам мавжуд эди ва баҳс бошида биргаликда ҳолатда олинган фото ўзаро дўстлик ҳисларини ифодалаб берди. Буни матбуот анжуманларида янграган интервьюлардан ҳам билиб олиш мумкин эди. Лекин тўлиқ 90 дақиқа мобайнида Роналду азалий рақибини умуман аяб ўтрмади. У 3:0 ҳисобида якунланган учрашувда дубл қайд этди ўзининг мусобақада урган голларини 134 тага етказиб олиб энг яқин таъқибчиси Мессини 16 голга ортда қолдирмоқда. Албатта, «The Best» учун курашда Кришга Месси устидан индивидуал қозонилган ғалаба катта устунлик берса керак.
Бошқаларнинг Роналду ҳақида айтган фикрлари
Меҳди Банатиа
«Месси – туғма талант маҳсули, Роналду эса ўз муваффақиятларига кучли жисмоний тайёргарлик орқали эришади. Бу менинг фикрларим эмас. Шунчаки, бу 15 йилдан бери тан олинган назария. Ўз навбатида меҳнатни ҳеч қачон талантдан пастки ўринга жойлаштириб бўлмайди. Роналдунинг тотал имкониятларини билмоқчи бўлсанг, у билан бир кун шуғулланиб кўр».
Раян Гигс
«Футболчилар орасида фақат у 40 ёшгача стабил ўйнаб бериши мумкин. Нега? Чунки у тўғри овқатланади ва тўғри дам олади. Роналдунинг фақат ягона хусусияти қолипларга бўйсунмайди – у меъёридан ортиқ жисмонан шуғулланади. Шубҳасиз, мен карьерамда кўрган энг профессионал инсон».
Матнда хатолик топсангиз, ўша хатони белгилаб, бизга жўнатинг (Ctrl + Enter).
Динамо
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
