ОЧЛ ва ОФК кубогига 27 январь куни қуръа ташланади
ОФК Осиё Чемпионлар Лигаси ва ОФК кубогининг 2021 йилги мавсумига қуръа ташлаш маросими 27 январь куни ўтказади.
Қуръа ОФК қароргоҳи жойлашган Малайзиянинг Куала Лумпур шаҳрида бўлиб ўтади. Бутун дунёдаги пандемик шароит ҳолати сабабли бу йилги қуръа ташдаш маросими клуб вакилларисиз ўтиб, жараён видео «Zoom» орқали амалга оширилади ва телеэкран орқали жонли намойиш этилади.
АГМК ОЧЛ саралаш ўйинлари орқали гуруҳ босқичига чиқишга ҳаракат қилади.
АГМК ОЧЛ гуруҳ босқичига йўлланма олмаган тақдирда ҳам янги мавсумда халқаро мусобақада иштирок этади. ОЧЛ саралаш босқичидан муваффақиятли ўтилмаган тақдирда АГМК иштирокни ОФК кубоги гуруҳ босқичида давом эттиради.
АГМК ОЧЛ гуруҳ босқичига чиқадиган бўлса, унда ОФК кубогида Қаршининг «Насаф» жамоаси қатнашади.
Манба: https://t.me/uzsport_tv
Киритилди: 20:49, 05.01.2021. Ўқилди: 4309 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).