Мадриднинг "Реал" клуби собиқ футболчиси Ройстон Дренте Испаниянинг учинчи дивизиони вакили "Расинг" клуби билан шартнома имзолади. Дренте шахсий ҳаёти ва янги жамоасидаги мақсадлари билан ўртоқлашди.
Нидерландиялик футболчи 2012 йили "қаймоқранглилар" сафини тарк этгач, шу мавсум яна Испанияга қайтди.
"Босқичма-босқич ҳаракат қилишим керак. Ҳали ўйнашга тайёр эмасман ва ўйнайлманки, яна уч кило вазн ташлашим керак. Душанбадан диета қўллашни бошлайман. Мен ҳам доим кўп овқат истеъмол қилардим, чунки, менинг холам ширин таомлар тайёрлайди.
Шахсий хаётим? Менинг тўртта хотинимдан етти нафар фарзандим бор, бироқ ҳозир ёлғизман.
Мадрид ҳақида жуда яхши хотираларим бор. Бу шаҳар менинг уйимга ўхшайди. "Реал"да менинг ўртоғим Робиньо эди, кейин у кетгач, Гути яқин дўстимга айланди.
Рамоснинг шартномаси? Агар мен Флорентино Пересни ўрнида бўлганимда, у ҳолда Серхио Рамос билан умрбор шартнома имзолардим.
Менинг "Расинг"даги режаларим - бу ерга ўйин-кулгу учун келмаганимни исботлаш. Мен одамларга нималарга қодир эканлигимни исботламоқчиман ва мавсум якунига етгач режаларим натижасини кўрмоқчиман" - деди Дренте Marca нашри билан.
Матнда хатолик топсангиз, ўша хатони белгилаб, бизга жўнатинг (Ctrl + Enter).